Karnataka Assembly Election 2023: सध्या कर्नाटकमध्ये विधानसभा निवडणूकीची रणधुमाळी सुरू आहे. त्यामुळे जोरदार प्रचाराच्या फैरी झडत असल्याचे पाहायला मिळत आहे. महाराष्ट्रातील काही नेते देखील प्रचारासाठी बेळगावमध्ये जात आहेत. देसुर येथे काँग्रेस उमेदवाराच्या प्रचारासाठी आमदार प्रणिती शिंदे यांच्या सभेचे आयोजन करण्यात आले होते. मात्र, महाराष्ट्र एकीकरण समितीच्या कार्यकर्त्यांनी ही सभा उधळून लावल्याची माहिती आहे. (Latest Marathi News)

प्रणिती शिंदे यांना माघारी परतावं लागलं

महाराष्ट्र एकीकरण समितीच्या सदस्यांसह मराठी भाषिक सभास्थळी दाखल झाले. त्यानंतर त्यांनी प्रचंड घोषणाबाजी करीत सभा उधळून लावली. बेळगाव जवळच्या देसूर गावात प्रणिती शिंदे यांची सभा आयोजित करण्यात आलेली होती. या सभेत भगवे ध्वज घेऊन महाराष्ट्र एकीकरण समितीचे सदस्य घुसले. कार्यकर्त्यांनी यावेळी जोरदार घोषणाबाजी केली. त्यामुळं ग्रामस्थांचा विरोध पाहून सभा न घेताच प्रणिती शिंदे (Praniti Shinde) यांना माघारी परतावं लागलं. (Karnataka Election 2023)

एका टप्प्यात होणार मतदान

कर्नाटक राज्यातील 224 विधानसभा मतदारसंघात 5,21,73,579 नोंदणीकृत मतदार आहेत. राज्यभरात 58,282 मतदान केंद्रे उभारणार असल्याची माहिती मुख्य निवडणूक आयुक्तांनी दिली. कर्नाटक विधानसभेचा कार्यकाळ 24 मे रोजी संपत आहे. त्याआधी कर्नाटकात 10 मे रोजी एकूण 224 जागांसाठी मतदार पार पडणार आहे. तर 13 मे रोजी निकाल लागणार आहे. सत्तेत येणाऱ्या पक्षाकडे 113 आमदारांचं संख्याबळ असणं गरजेचं आहे.