Kala Chashma Song Girls Dance : बॉलिवूड अभिनेत्री कतरिना कैफ आणि अभिनेता सिद्धार्थ मल्होत्रा यांच्या 'काला चश्मा' या गाण्याने नेटकऱ्यांना अक्षरश: वेड लावलं आहे. सोशल मीडियावर (Social Media) तर या गाण्याने खूपच धुमाकूळ घातलाय. लहानग्यापासून ते मोठ्यांपर्यंत सर्वच या गाण्यावर थिरकत आहे. काही दिवसांपूर्वी 'काला चश्मा' गाण्यावर ब्राझीलच्या तरुणींनी सुंदर डान्स केला होता. आता कोरियन तरुणींनी या गाण्यावर चांगलाच ठेका धरला आहे. (Kala Chashma Best Dance Videos)

सध्या सोशल मीडियावर कोरियन तरुणांचा डान्स (Dance Video) करतानाचा व्हिडीओ चांगलाच व्हायरल झाला आहे. या व्हिडीओत कोरियन तरुण काला चश्मा या गाण्यावर थिरकताना दिसत आहे. व्हिडिओमध्ये कोरियन डान्स ग्रुपमधील प्रत्येकजण 'काला चष्मा' गाण्याच्या सिग्नेचर डान्स मूव्ह आणि त्यांचे फ्यूजन व्हर्जन दोन्ही सादर करताना दिसत आहे. या तरुणांना गाण्याचे बोल नीट कळत नसले, तरी त्यांच्या उत्साहात कुठेही कमतरता दिसून येत नाहीये.

तरुणांचा हा ग्रुप डान्स करता-करता मस्ती सुद्धा करताना दिसत आहे. व्हायरल होत असलेल्या व्हिडीओत तुम्ही पाहू शकता की, कसे कोरियन तरुण अगदी पारंपारिक कपडे परिधान करून या गाण्यावर थिरकताना दिसत आहे. व्हायरल होत असलेला हा व्हिडीओ ruhatenizo नामक इन्स्टाग्राम अकाउंटवरून शेअर करण्यात आला आहे. या व्हिडीला काही तासातच अनेकांनी पसंती दर्शवली आहे. (Best Dance Videos)

देसी गाण्यावर विदेशी तरुणांना थिरकताना पाहून नेटकऱ्यांनी कमेंट्सचा पाऊस पाडला आहे. एका नेटकऱ्याने लिहलं आहे की, मला देखील काला चश्मा हे गाणं खूपच पसंत आहे, पण मला माहित नव्हतं की हे गाणं विदेशातही इतकं फेमस होईल. दुसऱ्या एकाने लिहलं आहे की या तरुणांना गाण्याचे बोल जरी समजत नसले तरी त्यांनी केलेला डान्स हा खरचं अप्रतिम आहे. सध्या सोशल मीडियावर या व्हिडीओला लाखो लोकांचा पसंती मिळाली आहे.

Edited By - Satish Daud