जम्मू आणि काश्मीरमधील पहलगाम येथे झालेल्या दहशतवादी भ्याड हल्ल्यात आतापर्यंत २८ जणांचा मृत्यू झाला. मंगळवारी दुपारी बैसरन व्हॅली परिसरात दहशतवादी हल्ला झाला. सुखरूप पोहोचलेले प्रत्यक्षदर्शींनी या हत्येचा थरार सांगितला. अशातच दगशतवाद्यांनी कशाप्रकारे भारतीय पर्यटकांना घेरून गोळ्या झाडल्या, रक्ताचे पाट कशा पद्धतीने वाहिले, हे सगळं या व्हिडिओमध्ये कैद झालं आहे.

काश्मीर खोऱ्यातील बैसरन घाटात वेगवेगळ्या भागातून पर्यटक निसर्ग पाहायला गेले होते. पर्यटक मुक्तपणे फिरत असताना अचानक द रेझिस्टन्स फ्रंटच्या दहशतवाद्यांनी बैसरन घाटावरील पर्यटकांना लक्ष करत घेरलं. तसेच पुरूषांना धर्म विचारत त्यांच्यावर गोळीबार केला. या दहशतवादी हल्ल्यात आतापर्यंत २८ जणांचा मृत्यू झाल्याची माहिती समोर आली आहे.

समोर आलेल्या या नव्या व्हिडिओमध्ये पर्यटक घाबरलेले पाहायला मिळत असून, जीव मुठीत घेऊन आरडाओरडा करताना दिसून येत आहेत. तसेच दहशतवादी देखील पर्यटकांना घेरून हल्ला करत आहेत. पर्यटकांवर कशापद्धतीने दहशतवाद्यांनी गोळीबार केला आहे. हे व्हिडिओद्वारे समोर आले आहे.

व्हिडिओमध्ये काही पर्यटक जीव वाचवण्यासाठी धाव घेत आहेत. डोंगराळ भाग असल्यामुळे पर्यटकांना धाव घेतानाही अडचण येत होती. काही पर्यटकांना गंभीर इजा देखील झाल्याची माहिती समोर आली आहे.