Firing in Jammu Kashmir News : जम्मू-काश्मीरमधून मोठं वृत्त हाती आलं आहे. जम्मू-काश्मीरच्या राजौरीच्या डांगरी गावात गोळीबाराची घटना घडली आहे. या घटनेत ३ जणांचा मृत्यू झाला आहे. तर ८ लोक जखमी झाले आहेत. या घटनेने जम्मू-काश्मीरमध्ये खळबळ उडाली आहे. (Latest Marathi News)

मिळालेल्या माहितीनुसार, दहशतवाद्यांनी रविवारी जम्मू-काश्मीरच्या डांगरी गावात नागरिकांवर गोळीबार केला. या गोळीबारात ८ जण जखमी झाले. त्यामुळे जखमींना राजौरीच्या मेडिकल कॉलेजच्या रुग्णालयात दाखल केले. या जखमीपैकी २ जणांचा मृत्यू झाला. दहशतवाद्यांनी गोळीबार केल्यानंतर परिसरात नाकाबंदी लावली आहे.

राजौरीच्या डांगरी गावात ५० मीटर परिसरात तीन वेगळ्या-वेगळ्या घरांवर गोळीबार केला. जखमींवर जीएमसी रुग्णालयात उपचार सुरू आहेत.

राजौरीच्या डांगरी गावात ५० मीटर परिसरात तीन वेगळ्या-वेगळ्या घरांवर गोळीबार केला. जखमींवर जीएमसी रुग्णालयात उपचार सुरू आहेत. राजौरीते रुग्णालयातील वैद्यकीय अधीक्षक डॉ. महमूद यांनी सांगितले की, राजौरीच्या डांगरी गावात गोळीबाराची घटना घडली आहे. या घटनेत ३ जणांचा मृत्यू झाला आहे. तर ७ जण जखमी झाले आहेत. जखमी नागरिकांवर उपचार सुरू आहेत. पोलीस आणि जिल्हा प्रशासन घटनास्थळी पोहोचले आहेत. जखमींना लागलेल्या गोळ्या जमा केल्या आहेत.'

दरम्यान, नववर्षाच्या पहिल्याच दिवशी नागरिकांवर गोळीबारांची घटना घडल्याने परिसरात भीती पसरली आहे. दहशतवाद्यांनी गोळीबार केल्यानंतर परिसरात एकच खळबळ उडाली आहे. पोलिसांनी नाकाबंदी लावून दहशतवाद्यांचा तपास सुरू केला आहे.