जम्मू आणि काश्मीर : काश्मिरातील अवंतीपोरातून मोठं वृत्त समोर आलं आहे. अवंतीपोरामध्ये सुरक्षा दलाचे जवान आणि दहशतवाद्यांमध्ये चकमक झाली. या चमकीमध्ये सुरक्षा दलाचे जवानांनी दोन दहशतवाद्यांचा खात्मा केला आहे. या दहशतवाद्यामध्ये पंडित संजय शर्मा यांची हत्या करणाऱ्याचा देखील सामावेश होता. (Latest Marathi News)

मिळालेल्या माहितीनुसार, काश्मीरमधील (Kashmir) अवंतीपोरात भागात भारतीय सैन्यात आणि दहशतवाद्यामध्ये चकमक झाली. चकमकीत पुलावामामध्ये पंडित संजय शर्मा यांची हत्या करणारा दहशतवादी मारला गेला आहे. अवंतीपोरात सोमवारी-मंगळवारी उशिरा रात्री चकमक सुरू झाली होती. (Jammu And kashmir Latest News)

एडीजीपी विजय कुमार यांनी सांगितले की, चकमकीत मारला गेलेला दहशतवादीची ओळख आकिब मुस्ताक भट या नावाने झाली आहे. मारला गेलेला दहशतवादी हा टीआरएफ या दहशवादी संघटनेसाठी काम करायचा. मारला गेलेला दहशतवादी हा संजय शर्मा यांच्या हत्या करण्यात त्याचा देखील हात होता.

दरम्यान, अवंतीपोरामध्ये झालेल्या चकमकीत सैन्याचे (Soldier) दोन जवान जखमी झाले. जखमी झाल्यानंतर त्यांना तातडीने रुग्णालयात दाखल करण्यात आले. या चकमकीत एक जवान शहीद झाला. तर दुसऱ्या जवानावर रुग्णालयात उपचार सुरू आहेत. याबाबत अद्याप पुष्टी मिळाली नाही. भारतीय सैन्याने संजय शर्मा यांची हत्या करणाऱ्या दहशतवाद्याची ४८ तासांत हत्या केली आहे.