ED summons Farooq Abdulla:

ईडीने जम्मू-काश्मीरचे ज्येष्ठ नेते आणि माजी मुख्यमंत्री फारुख अब्दुल्ला यांना मनी लाँड्रिंग प्रकरणात समन्स बजावले आहे. त्याला मंगळवारी रात्री 11 वाजता चौकशीसाठी बोलावण्यात आले आहे. गेल्या महिन्यात याप्रकरणी नॅशनल कॉन्फरन्सच्या अध्यक्षांनाही चौकशीसाठी बोलावण्यात आले होते. मात्र ते हजर झाले नाहीत.

फारुख अब्दुल्ला यांना जम्मू-काश्मीर क्रिकेट असोसिएशन (JKCA) मधील अनियमिततेच्या चौकशीच्या संदर्भात ईडीने समन्स पाठवले असल्याचे बोलले जात आहे. अब्दुल्ला यांच्या विरोधात ईडीने 2022 मध्ये आरोपपत्र दाखल केले होते.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

ईडीने सांगितले की, हे प्रकरण जम्मू-काश्मीर क्रिकेट असोसिएशनच्या निधीच्या गैरव्यवहाराशी संबंधित आहे. ईडीच्या म्हणण्यानुसार, असोसिएशनचा निधी जेकेसीए पदाधिकाऱ्यांसह असंबंधित पक्षांच्या वैयक्तिक खात्यांमध्ये हस्तांतरित करण्यात आला. तसेच कोणतेही कारण न सांगता संस्थेच्या बँक खात्यातून पैसे काढण्यात आले.  (Latest Marathi News)

केंद्रीय अन्वेषण विभागाने (सीबीआय) 2018 मध्ये दाखल केलेल्या आरोपपत्राच्या आधारे ईडीने हा गुन्हा नोंदवला आहे. अब्दुल्ला यांना पाठवलेल्या समन्समध्ये ईडीने त्यांना आपल्या श्रीनगर कार्यालयात हजर राहण्यास सांगितले होते.

राम एका मंदिरापुरता मर्यादित आहे का : फारुख अब्दुल्ला

दरम्यान, राजकीय हालचालींबद्दल बोलायचे झाले तर फारुख अब्दुल्ला यांनी अयोध्येतील राम मंदिराच्या अभिषेक सोहळ्यावर प्रश्न उपस्थित केला होता. प्रभू श्रीराम हे एका मंदिरापुरते मर्यादित आहेत का, असा सवाल त्यांनी केला होता. त्यांनी विचारले होते की श्रीराम हे केवळ भाजपचे आहेत की राष्ट्रीय स्वयंसेवक संघाचे (RSS).