इराणची राजधानी तेहरान रविवारी पुन्हा एकदा हल्ल्याने हादरलं आहे. इस्रायलने पुन्हा एकदा इराणची राजधानी तेहरानवर हल्ला केला. इराणच्या मंत्रालय, पोलीस मुख्यालय, लोकवस्तीवर हल्ला करण्यात आला आहे. या हल्ल्यानंतर तेहरानमधील नागरिकांची एकच पळापळ सुरु झाली. यामुळे उत्तर तेहरान, हराज रोडवर लोकांची मोठी गर्दी झाली आहे.

स्थानिक मीडिया रिपोर्टनुसार, इस्त्रालयाने मंत्रालयावरील काही विभागावरही क्षेपणास्त्र डागले आहेत. इराणने पोलीस मुख्यालयाजवळ मोठा स्फोट झाल्याला घटनेला दुजोरा दिला आहे. इराणमधील मीडिया रिपोर्टनुसार, इस्त्रायलच्या क्षेपणास्त्र हल्ल्यात इमारती उद्ध्वस्त झाल्या आहेत. या हल्ल्यात नेमकं किती नुकसान झालं, याची माहिती समोर आलेली नाही.

इस्त्रायलच्या मीडिया रिपोर्टनुसार, तेहरानमधील अनेक महत्वाच्या ठिकाणावर हल्ले केले. एका प्रत्यक्षदर्शीने दिलेल्या माहितीनुसार, काही वेळापूर्वी हा हल्ला झाला आहे. इराणमधील दिग्गज नेत्यांनी युद्ध संपवण्याचं आवाहन केलं होतं. दुसरीकडे अमेरिकेच्या भूमिकेवरही प्रश्न उपस्थित करण्यात येत आहे.

इराणचे राष्ट्राध्यक्षांनी स्पष्ट केली की, आमच्या देशाला युद्ध नको. परंतु हल्ले सुरु राहिले तर आमचं सैन्य दल आणि इतर गार्ड्स दुपट्टीने प्रत्युत्तर देईल. अमेरिकेची भूमिका इराणला चोख प्रत्युत्तर देण्यास भाग पाडत आहे. इराणने ही भूमिका मंत्रिमंडळाच्या बैठकीत जाहीर केली.

इस्त्रायलच्या हवाई दलाने माहिती दिली की, रविवारी जॉर्डन खोऱ्यात आकाशातील इराणी ड्रोन पाडला गेला. दिवसभरात इराणने अनेक ड्रोन डागले. त्यातील बहुतांश ड्रोनला हवेतच नष्ट करण्यास इस्त्रायला यश आलं आहे. यावरून दोन्ही देशामधील घनघोर संघर्ष सुरुच असल्याचं पाहायला मिळत आहे.

तेहरानच्या खोमैनी विमानतळावरही हल्ला झाल्याचं सांगण्यात आलं. परंतु विमानतळ अधिकाऱ्यांनी अद्याप कोणताही हल्ला झाला नसल्याचं सांगितंल. इराण इंटरनॅशनलच्या व्हिडिओमध्ये विमानतळाजवळ स्फोट आणि धुराचे लोट स्पष्टपणे दिसत आहे. यावरून विमानतळाच्या आसापासच्या भागांना इस्त्रायलने लक्ष्य केल्याचं दिसत आहे.