नवी दिल्ली : देशात कोरोना (Corona) रुग्णसंख्येच्या आलेख सतत वाढत असून गेल्या २४ तासांत भारतात १८,८४० रुग्ण आढळले आहेत. शनिवारी सकाळी ८ वाजेपर्यंतची ही नवीन कोरोना व्हायरसची (Covid19) आकडेवारी नोंदवली गेली आहे. तसेच गेल्या २४ तासात कोरोना व्हायरसमुळे ४३ हून अधिक मृत्यू झाल्याची माहिती केंद्रीय आरोग्य मंत्रालयाने (Central Health Minister) दिली आहे. (India Corona News In Marathi)

हे देखील पाहा -

केंद्रीय आरोग्य मंत्रालयाने दिलेल्या माहितीनुसार आज देशात १८,८४० रुग्ण आढळले आहेत. तर अॅक्टीव्ह रुग्णांची संख्या १,२५,०२८ आहे, तसेच पॉझिटिव्हीटी रेट (सकारात्मकता दर) ४.१४% इतका आहे. याव्यतिरिक्त, दिल्लीत गेल्या २४ तासांत ५३१ नवीन कोरोना रुग्ण आढळले आहेत आणि ३ मृत्यूची नोंद झाली आहे. दिल्लीचा पॉझिटिव्हीटी रेट ३.१३% आहे तर दिल्लीत एकुण रुग्णसंख्या १९,३९,७५८ वर गेली आहे.

दुसरीकडे, मुंबईत ५३० नवीन कोविड-१९ ची नोंद झाली आहे तर पॉझिटिव्ह रेट ५.२५% आहे आणि गेल्या २४ तासांत २ मृत्यू झाले आहेत. मुंबईतील रुग्णसंख्या ११,१७,८९७ वर पोहोचली, तर मृतांची संख्या १९,६२४ वर पोहोचली आहे.

Edited By - Akshay Baisane