हॉलीवूड सिनेसृ्ष्टीतून दुख:द बातमी समोर येत आहे. '9-1-1: नॅशव्हिल' या लोकप्रिय मालिकेतून प्रकाशझोतात आलेली अभिनेत्री इसाबेल टेटचा दुर्देवी मृत्यू झाला आहे. वयाच्या २३ व्या वर्षी अभिनेत्रीनं अखेरचा श्वास घेतला. अभिनेत्री दुर्मिळ आजाराशी त्रस्त होती. याच आजारामुळे अभिनेत्रीचा मृत्यू झाला. अभिनेत्रीच्या अचानक निधनानंतर इंडस्ट्रीवर शोककळा पसरली आहे.

इसाबेल टेटच्या निधनाचे वृत्त टॅलेंट एजन्सी, मॅकक्रॅ एजन्सीने दिली. त्यांनी याची माहिती समाजमाध्यमांवर शेअर केली. त्यांनी फोटो शेअर करून कॅप्शनमध्ये लिहिलं की, 'तिनं ज्या पहिल्या मालिकेसाठी ऑडिशन दिलं होतं, त्या भूमिकेसाठी तिचं सिलेक्शन झालं. कमी वेळात कमी वयात तिला प्रसिद्धी मिळाली'.

एजन्सीनं टेटची आई, बहीण, कुटुंब आणि मित्रांप्रति शोक व्यक्त केला आहे. इसाबेलच्या मृत्यूचं कारण दुर्मिळ आजार असल्याचं म्हटलं जात आहे. शार्कोट मॅरी टूथ (CMT) हा आजार अभिनेत्री झाला होता. माहितीनुसार, हा आजार एक दुर्मिळ न्यूरोलॉजिकल डिसऑर्डर आहे. जे स्नायूंना नियंत्रित करणाऱ्या नसांवर परिणाम करतो.

इसाबेल १३ वर्षांची असताना अभिनेत्रीला आजार असल्याचं निदान झालं. अभिनेत्री लहानपणापासून या आजाराशी झुंजत होती. या आजारामुळे अभिनेत्रीचा मृत्यू झाला. २०२२ साली इसाबेलने सोशल मीडियावर आपल्या आजाराबाबत माहिती शेअर केली होती.