Gujarat accident death Toll : गुजरातमधील वलसाडमध्ये वऱ्हाडाच्या गाडीचा अपघात झाला असून यामध्ये ६ जणांचा मृत्यू झाला आहे.ब बुधवारी सायंकाळच्या वेळी ही दुर्घटना घडली. TOI ने दिलेल्या वृत्तानुसार, ३० जणांना घेऊन पिकअप व्हॅन लग्नासाठी निघाली होती. त्यावेळी चालकाचे नियंत्रण सुटल्याने अचानक उलटली. या अपघातानंतर ६ जणांचा मृत्यू झाला, तर अनेकजण जखमी झाले. पंतप्रधान नरेंद्र मोदी यांनी या दुर्दैवी घटनेवर दुख व्यक्त केले.

स्थानिक पोलिसांनी अपघाताची माहिती मिळताच तात्काळ घटनास्थळावर धाव घेतली. तात्काळ जखमींना उपचारासाठी रूग्णालयात दाखल केले. त्याशिवाय अपघातग्रस्त वाहनाला बाजूला करून वाहतूक सुरळीत केली. पोलिसांनी घटनास्थळावर तात्काळ पंचनामा करत मृतदेह पोस्टमार्टमसाठी रूग्णालयात पाठवले. अपघाताचे नेमकं कारण पोलिसांकडून शोधण्यात येत आहे.

पोलिसांच्या माहितीनुसार, व्हॅनमधून गिरनारा गावातून ३० लोक एका लग्नासाठी जात होते. प्राथमिक अंदाजानुसार चालकाचे नियंत्रण सुटल्याने अन् गाडी उलटली. या दुर्घटनेत २ महिलांसह ६ जणांचा मृत्यू झाला. तर अनेकजण गंभीर जखमी झाले आहेत. करपडा पोलीस ठाण्याचे निरीक्षक डी. एन. वंझा यांनी तात्काळ घटनास्थळी धाव घेत मदतकार्य केले. जखमींना तातडीने जवळच्या रुग्णालयात दाखल करण्यात आले.

अपघाताची माहिती मिळताच स्थानिक नागरिक, तसेच पोलीस आणि रुग्णवाहिका तात्काळ घटनास्थळावर दाखल झाले. या अपघातात सहा जणांचा मृत्यू झाला आहे. पोलिसांनी सर्व मृतदेह शवविच्छेदनासाठी पाठवले आहेत. जखमींना तातडीच्या उपचारांसाठी रुग्णालयात दाखल करण्यात आले. त्यापैकी १० जणांची प्रकृती गंभीर आहे. पोलिसांनी अपघाती मृत्यूची नोंद केली असून पुढील कायदेशीर कारवाई करत आहेत.