वृत्तसंस्था: गुजरात (Gujarat) राज्यामधील नवसारी येथे मुंबई (Mumbai)- अहमदाबाद (Ahmedabad) राष्ट्रीय महामार्गावर (National Highways) वेस्मा गावाजवळच कार आणि पिकअप वाहनाचा भीषण अपघात (Terrible Accident) झाला आहे. या भीषण अपघातामध्ये महाराष्ट्रातील (Maharashtra) मजूर जखमी झाले आहेत. नवापुर (Navapur) तालुक्यातील दुधवे येथील मजूर नवसारी जिल्ह्यात (district) हांसापूरहून सुरत (Surat) जिल्ह्यामधील ओलापाड येथे भात कापणीकरिता जात असताना हा भीषण अपघात झाला असल्याची माहिती गुजरात पोलिसांनी (police) दिली आहे. (Gujarat Terrible accident car pickup tempo)

हे देखील पहा-

कार क्रमांक GJ-१५ CJ- ९४९२ चा टायर फुटल्यामुळे कार महामार्गावर पलटी झाली आहे. या कारच्या पाठीमागे असणारी मजुरांनी (laborers) भरलेली पिकअप वाहन (क्रमांक GJ-१९ X-१०६३) कारवर जोरदार आदळली आहे. यामुळे पिकअप टेम्पो देखील रस्त्यावर पलटी झाला आहे. यामध्ये १७ मजूर रस्त्यावर जोरदार फेकले गेले. यामध्ये महिला आणि लहान बालकांसह मजूर जखमी झाले आहेत. कारमधील २ प्रवासी देखील गंभीर जखमी झाले आहेत. हा भीषण अपघात होताच स्थानिक नागरीक मदतीकरिता धावून आले आहेत.

अपघातामध्ये जखमी झालेल्या मजुरांना तातडीने इतर वाहनांमधून रुग्णालयात दाखल करण्यात आले आहे. नवापूर तालुक्यातील दुधवे आणि मेनतलाव गावामधील मजूर गुजरात राज्यामध्ये मजुरीकरिता कामाला गेले होते. नवसारीहून सुरतकडे जात असताना रविवारी संध्याकाळी हा भीषण अपघात झाला आहे. यामध्ये १७ मजुर जखमी झाले आहेत. काही मजुरांना किरकोळ दुखापत झाली आहे. त्यांच्यावर नवसारी सरकारी रुग्णालयामध्ये उपचार सुरु आहेत. अपघात दरम्यान काही काळ महामार्गावर वाहतूक मोठ्या प्रमाणात ठप्प झाली होती. नवसारी सरकारी रुग्णालयात जखमी मजुरांवर उपचार सुरू आहे. सर्वांची प्रकृती स्थिर आहे.

Edited By- Digambar Jadhav