गाजियाबादच्या मोदीनगर परिसरातील एका गावात घडलेल्या दुर्दैवी घटनेने संपूर्ण परिसर हादरला आहे. या गावातील १७ वर्षीय विद्यार्थीनी आपल्या घराच्या टेरेसवर झोपलेली असताना तिच्या चुलत भावाने तिच्यावर बलात्कार केला. आठ वर्षांपासून हा आरोपी तिला धमकावून सतत बलात्कार करत होता. विरोध केल्यावर आरोपीने विद्यार्थिनीला टेरेसवरून खाली फेकून दिले आणि घटनास्थळावरून फरार झाला.

ही घटना २० ऑक्टोबर रोजी रात्री घडली. मोदीनगरमध्ये एका गावात एक व्यक्ती कुंटूंबासोबत राहत होता. पीडितेच्या कुटुंबाने सांगितले की त्यांची १७ वर्षांची मुलगी इंटरमिजिएटची विद्यार्थिनी आहे. ती मुलगी रात्री टेरेसवर झोपली होती. त्यानंतर अचानर मुलगी टेरेसवरून खाली पडली.

मुलीच्या कुटुंबीयांनी आरडाओरड ऐकून तिला तातडीने रुग्णालयात दाखल केले. तिची प्रकृती गंभीर असल्यामुळे पुढे मेरठला हलवावे लागले. शुद्धीवर आल्यानंतर विद्यार्थिनीने घडलेली घटना सांगितली की, झोपेत असताना तिच्या आत्याचा मुलगा आलेला आणि त्याने जबरदस्ती केली. मुलीने विरोध केल्यावर मारहाण करून त्याने टेरेसवरून खाली फेकल्याचे तिने सांगितले.

पीडित मुलीच्या कुटुंबीयांनी सांगितले की आरोपी सतत धमक्या देत तिला आणि तिच्या वडिलांना, भावाला मारण्याची भीती दाखवून गैरप्रकार करत होता. समाजाच्या भीतीमुळे तिने आठ वर्षांपासून ही गोष्ट कुटुंबीयांना सांगितली नव्हती. वडिलांनी केलेल्या तक्रारीवरुन पोलिसांनी गुन्हा दाखल केला आहे. तक्रारीवरून रहिवासी आरोपी कृष्णाला गाजियाबादला ताब्यात घेतले आहे. विद्यार्थिनीची प्रकृती सुधारल्यावर तिचे बोलणे ऐकले जाईल.