एक फोटो व्हायरल करून पाकिस्तानने राफेल पाडल्याचा दावा केलाय...राफेल कोसळल्याचा हा फोटो खरा आहे का? ऑपरेशन सिंदूरवेळी पाकिस्तानने भारतावर केलेल्या हल्ल्यात राफेल पडलं का? असे अनेक प्रश्न उपस्थित केले जातायत...त्याआधी मेसेजमध्ये काय दावा केलाय पाहुयात.

व्हायरल मेसेजमध्ये म्हटलं आहे की, 'भारत-पाक हल्ल्यादरम्यान पाकिस्तानने भारताचं राफेल पाडलं. राफेल पाडल्याचे फोटो पुरावा म्हणून देण्यात आलाय'.

हा मेसेज आणि राफेल क्रॅश झाल्याचा फोटोही व्हायरल करण्यात आलाय...त्यामुळे अनेकांना हा फोटो खरा असल्याचं वाटू लागलंय...सध्या भारताने पाकिस्तानला जोरदार प्रत्युत्तर देऊन पाकिस्तानला घाम फोडला...त्यामुळे 3 दिवसांतच पाकिस्तान गुडघ्यावर येत भारताकडे शस्त्रसंधीची मागणी केली...आणि आता शस्त्रसंधी केल्यानंतर भारताच्या विरोधात फोटो व्हायरल केले जातायत...त्यामुळे आम्ही या फोटोची पडताळणी केली...त्यावेळी काय सत्य समोर आलं पाहुयात...

व्हायरल सत्य ?

ऑपरेशन सिंदूरवेळी पाकनं राफेल पाडलेलं नाही

भारताचं कोणतंही फायटर जेट उद्ध्वस्त झालं नाही

पाकिस्तानने राफेल पाडल्याचा दावा खोटा

MiG-21 क्रॅश झाल्याचा जुना फोटो व्हायरल

हल्ल्यात पाकिस्तानचा धुव्वा उडवल्याने पाक सैरभैर झालंय...पाकिस्तानकडून भारताविरोधात चुकीची माहिती पसरवली जातेय...आता हे राफेल पाडल्याचा दावा करण्यात आलाय...मात्र, हा व्हायरल फोटो 2021 सालातील आहे...पंजाबच्या मोगा जिल्ह्यात भारतीय वायू सेनेचं MiG-21 जेट क्रॅश झालं होतं...त्यावेळीचा फोटो आता व्हायरल करून भारताची बदनामीचा डाव पाकिस्तानने आखलाय...आमच्या पडताळणीत पाकिस्तानने राफेल पाडल्याचा दावा असत्य ठरलाय.