ज्योती मल्होत्रा...याच सुंदर चेहऱ्याआड हिचे भारताविरोधात सगळे कारनामे सुरू होते. भारतात राहून पाकिस्तानचं काम करणारी ही ज्योती भाजपची कार्यकर्ती असल्याचा असा दावा केला जातोय...तिचे फोटोही व्हायरल करण्यात आलेयत...डोक्यात भाजप चिन्ह असलेली टोपी आणि गळ्यात गमछा...फोटो पाहून तुम्हीही म्हणाल की ही भाजपचीच कार्यकर्ती आहे...यासोबत आणखी एक फोटो व्हायरल होतोय.

यामध्येही आपची टोपी आणि गमछा घातलेला दिसतोय...मात्र, खरंच ही ज्योती भाजपची कार्यकर्ती आहे का...? ती भाजपसाठी काम करतेय का...? याची आम्ही पडताळणी सुरू केली...त्याआधी मेसेजमध्ये काय दावा केलाय पाहुयात...

व्हायरल मेसेजमध्ये म्हटलं की, भारताशी गद्दारी करणारी ज्योती मल्होत्रा ही भाजपची कार्यकर्ती आहे.तिने आपसाठीही काम केलंय. डोक्यावर टोपी आणि गळ्यात गमछा घातलेला हा फोटो पाहा'.

हे ज्योतीचे दोन फोटो व्हायरल होतायत. काहींनी तर हे फोटो पाहून संताप व्यक्त केलाय...तर काही लोक भारतीय जनता पक्षालाही ट्रोल करतायत...मात्र, ही ज्योती खरंच भाजपची कार्यकर्ती आहे का...? तिने भाजपात प्रवेश केलाय का...? याची आम्ही पडताळणी केली...याबाबत आम्ही तिच्या पोस्ट पाहिल्या...तसंच भाजपशीही संपर्क साधला...यासोबतच आम्ही या फोटोंची नीट पडताळणी केली...त्यावेळी काय सत्य समोर आलं पाहुयात...

व्हायरल सत्य काय?

ज्योती मल्होत्रा ही भाजप, आपची कार्यकर्ती नाही

भाजपचा गमछा, टोपी घातलेला फोटो AI निर्मित

ज्योतीने भारताशी गद्दारी केल्याने सध्या अटकेत

ज्योती ही युट्यूबर असून ती पाकिस्तानसाठी काम करायची

ज्योतीने युट्यूबच्या नावाखाली भारतातील गुप्त माहिती पाकिस्तानला पुरवत होती...तिचा हा सगळा कारनामा उघड झाला आणि आता ती जेलमध्ये शिक्षा भोगतेय...तिच्या वाईट कृत्याची तिला शिक्षा मिळेलच...मात्र, आमच्या पडताळणीत ज्योती ही भाजपची कार्यकर्ती होती हा दावा असत्य ठरलाय...सध्या देशभरात ज्योतीच्या गद्दारीच्या बातम्या सुरू असल्याने एआयच्या माध्यमातून निर्मित केलेला हा फोटो व्हायरल केला जातोय...त्यामुळे तुम्ही अशा फोटोंवर विश्वास ठेवू नका..