Earthquake in Ladakh Kargil:

लडाखमध्ये असलेल्या कारगिलमध्ये रात्री ९.३५ वाजता भूकंपाचे धक्के जाणवले. या भूकंपाची तीव्रता ५.२ इतकी होती. या भूकंपाच्या धक्क्यांमुळे जीवित व वित्तहानी झाल्याचे अद्याप कोणतेच वृत्त नाही. परंतु भूकंपाच्या धक्क्यांमुळे नागरिकांमध्ये भीतीचे वातावरण आहे. यापूर्वी १६ फेब्रुवारीलाही जम्मू-काश्मीरच्या काही भागात भूकंपाचे धक्के जाणवले होते. शुक्रवारी श्रीनगर आणि गुलमर्गमध्ये ३.९ तीव्रतेचे धक्के जाणवले होते.(Latest News)

जम्मू-काश्मीरच्या किश्तवाडमध्ये संध्याकाळी साडेसातच्या सुमारास भूकंपाचे धक्के जाणवले. या काळात भूकंपाची तीव्रता रिश्टर स्केलवर ३.४ मोजण्यात आली होती. भूकंपाची खोली ५ किमी होती. या भूकंपामुळे कोणतेच नुकसान झाले नाही. भूकंपाच्या दृष्टीकोनातून जम्मू-काश्मीर अत्यंत संवेदनशील मानले जाते, अशी माहिती सिस्मोलॉजी डिपार्टमेंटने दिलीय.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गुजरातमध्ये दुसऱ्यांदा भूकंपाचे धक्के

काही दिवसांपूर्वीच गुजरातमधील कच्छमध्ये आज ( १ फेब्रुवारी) सकाळी भूकंपाचे धक्के जाणवले होते. रिश्टर स्केलवर या भूकंपाची तीव्रता ४.१ 1 इतकी नोंदवण्यात आली होती. भूकंपाचा केंद्रबिंदू पृथ्वीपासून १५ किलोमीटर खाली होता. यापूर्वी रविवारी २८ जानेवारीच्या संध्याकाळी भूकंपाचे धक्के जाणवले होते. भूकंपाचा केंद्रबिंदू कच्छ जिल्ह्यातील भोरूचजवळ होता. रिश्टर स्केलवर भूकंपाची तीव्रता ४.० इतकी मोजली गेली, अशी माहिती नॅशनल सेंटर फॉर सिस्मॉलॉजीने दिली होती.