Earthquake in Delhi-NCR:

दिल्ली-एनसीआरमध्ये परत एकदा भूकंपाचे धक्के जाणवले. राजधानी दिल्लीसह आसपासच्या शहरात ३.१ रिक्टल स्केल तीव्रतेच्या भूकंपाचे धक्के जाणवले. फरीदाबाद, गुरुग्राम, गाझियाबाद, नोएडामध्ये भूकंपाचे धक्के जाणवले. या भूकंपाचे केंद्र फरिदाबाद आहे. मिळालेल्या माहितीनुसार, भूकंपाचे धक्के ४ वाजून ८ मिनिटांनी जाणवले. भूकंपाचे धक्के जाणवल्यानंतर लोकं घराबाहेर पडले.

राजधानी दिल्लीमध्ये आठवड्यातून दुसऱ्यांदा भूकंपाचे धक्के जाणवले. याआधी दिल्ली-एनसीआरमध्ये ३ ऑक्टोबर रोजी भूकंप आला होता. भूकंपाचे धक्के जाणवल्यानंतर लोकं घरातून आणि कार्यालयातून बाहेर पडले होते.दुपारी०२. ५१ मिनिटांनी वाजता भूकंपाचे धक्के बसले होते. त्याचदिवशी नेपाळमध्ये झालेल्या भूकंपाची तीव्रता ६.२ इतकी होती.

दुपारी झालेल्या या भूकंपाचा केंद्रबिंदू नेपाळमध्ये होता. नेपाळच्या राष्ट्रीय भूकंप विज्ञान केंद्रानुसार, एका तासाच्या आत देशात तीनवेळा भूकंपाचे धक्के जाणवले. देशाच्या पश्चिमी भागात ६.३ आणि ५.३ तीव्रतेच्या भूकंपाचे धक्के नागरिकांना जाणवले होते. दरम्यान आजच अफगाणिस्तानमध्ये भूकंप आला होता. अफगाणितास्तानमध्ये ६.५ तीव्रतेचा भूकंप आला होता. भूकंपाचे केंद्रस्थान जमिनीच्या दहा किमी अंतरावर होता.