पोलंडची राजधानी हंगेरीमध्ये रविवारी पहाटे भीषण अपघात झाला. हायवेवरून रस्त्याच्या कडेला असलेल्या खड्ड्यात बस कोसळून पलटी झाल्याने या दुर्घटनेत 12 जणांचा मृत्यू झाला, तर अनेक प्रवासी जखमी झाले आहेत. मिळालेल्या माहितीनुसार, रविवारी पहाटे सुमारे 1 वाजता हा अपघात झाला. हंगेरीची राजधानी बुडापेस्टपासून सुमारे 140 किलोमीटर अंतरावर ही दुर्घटना घडली. बस रस्त्यावरून घसरून खडड्यात कोसळल्यानंतर पलटी झाल्याचा प्राथमिक अंदाज आहे.

प्राथमिक तपासात ड्रायव्हरला डुलकी लागल्याने हा अपघात झाल्याची शक्यता व्यक्त करण्यात आली आहे. आपघातात 10 जण गंभीर जखमी झाल्याचे सांगण्यात आले आहे. घटनास्थळी मदत आणि बचावकार्य सुरू असून जखमीना उपचारासाठी रुग्णालयात दाखल करण्यात आले आहे. पोलंडचे पंतप्रधान पीटर मॅग्यार यांनी सोशल मीडियावरून या दुर्घटनेबद्दल दुःख व्यक्त केले. त्यांनी मृतांच्या कुटुंबीयांप्रती संवेदना व्यक्त करत घटनास्थळी मदत आणि बचावकार्यात सहभागी असलेल्या कर्मचाऱ्यांचे आभार मानले.

दरम्यान, पोलंडचे राष्ट्राध्यक्ष कॅरोल नवरोकी आणि परराष्ट्र मंत्री राडोस्लाव सिकोरस्की यांनीही या अपघाताबद्दल शोक व्यक्त केला. पोलिस वाणिज्य दूतावासाची टीम हंगेरीच्या अधिकाऱ्यांच्या सतत संपर्कात असून परिस्थितीवर लक्ष ठेवून असल्याचे त्यांनी सांगितले.