मुख्य निवडणूक आयुक्त ज्ञानेशकुमार यांच्या विरोधात संपूर्ण देशात आंदोलनाचं रान पेटलंय. एकीकडे इंडीया आघाडी दिल्लीत सलग तिसऱ्या दिवशी आंदोलन करत असताना कॉक्रोज जनता पार्टीनेही ज्ञानेशकुमार हटावची मागणी लावून धरलीये. विशेष म्हणजे सीजेपीच्या आंदोलनात प्रसिद्ध युट्युबर ध्रुव राठीची एन्ट्री झालीय...

बंगळुरुमध्ये झालेल्या आंदोलनात ध्रुव राठीनं ज्ञानेश कुमारांच्या राजीनाम्याची मागणी केली. फ्रीडम पार्कमधील आंदोलनात ध्रुव राठीसह अभिनेते प्रकाश राज, सीजेपीचे अभिजीत दिपके, सौरव दास आणि आशुतोष रांका उपस्थित होते. नेहमीच आपल्या व्हिडीओतून भाजप सरकारला चिमटा काढणाऱ्या ध्रुवने बंगळुरमध्येही सत्ताधाऱ्यांवर निशाणा साधलाय.

दुसरीकडे अभिनेते प्रकाश राज यांनीही सिंघम मधील प्रसिद्ध डायलॉंग म्हणून ज्ञानेशकुमारांना इशारा दिलाय. सीजेपीने 2 ऑक्टोबरला गांधी जयंतीनिमित्त मुंबईतील शिवाजी पार्कमध्ये निवडणूक आयोगाविरोधात आंदोलन केलं होतं. त्यावेळी जेष्ठ अभिनेत्री शबाना आझमी, नसीररूद्दीन शाह, संगीतकार विशाल ददलानी सहभागी झाले होते. या आंदोलनात 'गो ज्ञानू गो..' अशी हाक देण्यात आली होती. आता सीजेपीचं आंदोलन दक्षिणेतल्या राज्यात होतंय. कोट्वधी फॉलोअर्स असलेला आणि परदेशातून आपल्या प्रभावी व्हिडीओने सत्ताधाऱ्यांना जेरीस आणणारा ध्रुव राठीने पाठींबा दिल्याने सीजेपीचे ताकद वाढली आहे.

मुंबईृ-बंगळुरूनंतर आता सीजेपीचा १० ऑक्टोबरला थेट राजधानी दिल्लीतल्या जंतरमंतरवर दुसऱ्यांदा मोठा मोर्चा काढण्यात येणार आहे. त्याआधीच ज्ञानेश कुमार राजीनामा देणार की पुन्हा टोकाचा संघर्ष होणार? याकडे साऱ्या देशाचं लक्ष लागलंय.