नवी दिल्ली : होळीच्या दिनाच्या दिवशीचा पाच मजली इमारत कोसळळ्याचा धक्कादायक व्हिडिओ समोर आला आहे. दिल्लीतील विजय पार्क भागात ही घटना घडली आहे. पाच मजली इमारत पत्त्यासारखी कोसळ्याने परिसरात एकच खळबळ उडाली. इमारत कोसळतानाचा क्षण कॅमेरात कैद झाला असून व्हिडिओ प्रचंड व्हायरल होत आहे. (Latest Marathi News)

दिल्लीतील (Delhi) विजय पार्क भागात ५ मजली इमारत कोसळल्याची घटना घडली. या दुर्घटनेत कोणीही जखमी झाल्याची माहिती समोर आलेली नाही. या घटनेत इमारतीच्या आसापास असलेल्या घरांचं प्रचंड नुकसान झालं आहे.

घटनेची माहिती मिळताच अग्निशमन दल आणि पोलीस दल घटनास्थळी पोहोचले. यानंतर इमारतीचा मलबा हटविण्याचे काम सुरू झाले. इमारतीचा व्हिडिओ सोशल मीडियावर प्रचंड व्हायरल झाला आहे. (Viral Video News)

नेमक काय झालं?

दिल्लीच्या विजय पार्क भागात पाच मजली इमारत पत्यासारखी कोसळल्याची घटना घडली. ही घटना मौजपूर येथील गल्ली क्रमांक २४ येथे घडली. या इमारतीत राहणारे २ ते ३ कुटुंब मलब्यात अडकले होते. त्यांना सुखरूप बाहेर काढण्यात आले आहे.

घटना घडल्यानंतर तातडीने त्या ठिकाणी अग्निशमन दलाचे ४ बंब पोहोचले. त्याचबरोबर घटनास्थळी आपत्ती व्यवस्थापन पथक देखील पोहोचले. ही इमारत १८ यार्ड जागेत बांधण्यात आली होती. दरम्यान, या मोठ्या घटनेत कोणतीही जीवितहानी झाली नाही. या इमारतीत अडकलेल्यांना सुखरूप बाहेर काढण्यात आलं आहे. त्यामुळे मोठा अनर्थ टळला. या घटनेचा व्हिडिओ (Viral Video) सोशल मीडियावर व्हायरल झाला आहे. अनेकांनी हा व्हिडिओ शेअर केला आहे.