Delhi Municipal Corporation News :

लोकसभा निवडणुकीदरम्यान दिल्लीमध्ये नव्या महापौरपदासाठी निवडणूक होणार आहे. दिल्लीचे मुख्यमंत्री अरविंद केजरीवाल न्यायालयीन कोठडीत आम आदमी पक्षाची राजकीय परीक्षा असणार आहे. लोकसभा निवडणुकीत आम आदमी पक्ष आणि काँग्रेसची युती आहे. मात्र, महापौर आणि उपमहापौरपदासाठीच्या निवडणुकीत या दोन्ही पक्षाची युती नसणार आहे.

दिल्लीचे मुख्यमंत्री अरविंद केजरीवाल यांच्या अटकेनंतर दिल्लीतील राजकारण बदललं आहे. त्यामुळे या निवडणुकीत दोन्ही पक्ष काय भूमिका घेणार, याकडे साऱ्यांचं लक्ष लागले आहे.

दिल्लीच्या महानगरपालिकेत आम आदमी पक्षाकडे बहुमत आहे. उपमहापौरपदासाठी २५० नगरसेवकांचा पाठिंबा असणे गरजेचे आहे. तसेच ७ खासदार आणि ३ राज्यसभा खासदार, १४ आमदार या निवडणुकीत मतदान करतता. तर या निवडणुकीत ९ नगरसेवकांची साथ मिळाल्यास आम आदमी पक्षाकडे मोठं संख्याबळ लाभणार आहे. या निवडणुकीत काँग्रेस नगरसेवक किंग मेकरची भूमिका निभावणार आहे.

दिल्ली महानगरपालिकेत आम आदमी पक्षाची स्थिती काय?

आम आदमी पक्ष

१३४ नगरसेवक

१ अपक्ष नगरसेवक

३ राज्यसभा खासदार

१३ आमदार

भाजपची स्थिती काय?

१०४ नगरसेवक

१ अपक्ष

७ खासदार

१ आमदार

काँग्रेसची स्थिती काय?

काँग्रेस - ९ नगरसवेक

दरम्यान, आकडे पाहिले तर स्पष्ट होत आहे की, आम आदमी पक्षाकडे बहुमत आहे. अरविंद केजरीवाल यांच्या अटकेनंतर पक्ष अलर्ट झाला आहे. भाजपचं त्यांच्या नगरसेवकांवर लक्ष अशणार आहे. तसेच आप आणि काँग्रेस पक्षही त्यांच्या पक्षातील नगरसेवकांवर नजर ठेवणार आहे.