राजधानी दिल्लीतून माणुसकीला काळिमा फासणारी घटना समोर येत आहे. रूग्णालयात बेशुद्ध अवस्थेत असलेल्या महिलेवर त्याच वॉर्डमध्ये दाखल असलेल्या पुरूष रूग्णाने लैंगिक अत्याचार केला आहे. या घटनेमुळे पीडित महिलेची प्रकृती अधिक चिंताजनक झाली. बुधवारी तिचा उपचारादरम्यान मृत्यू झाला. पोलिसांनी तपास करून आरोपीला बेड्या ठोकल्या आहेत. या भयानक घटनेनंतर परिसरात खळबळ उडाली आहे.

ही संतापजनक घटना नॉर्थ ईस्ट दिल्लीतून समोर येत आहेत. एका ठिकाणी पीडित महिला बेशुद्ध आणि दारूच्या नशेत आढळली. स्थानिक लोकांनी तिला तातडीने रूग्णालयात नेलं. तरूणीला उपचारासाठी रूग्णालयात दाखल केल्यानंतर बाकीचे लोक घरी परतले. ज्या वॉर्डमध्ये तरूणीला उपचारासाठी दाखल केली होती, त्या ठिकाणी फैज नावाच्या तरूणालाही उपचारासाठी दाखल करण्यात आलं होतं.

फैजने मध्यरात्री तरूणीवर लैंगिक अत्याचार केला. दरम्यान, बुधवारी तरूणीचा मृत्यू झाला. यानंतर मृत पीडितेच्या कुटुंबाने रूग्णालयात धाव घेतली. तरूणीवर लैंगिक अत्याचार झाल्याची माहिती मिळताच त्यांनी पोलीस ठाण्यात तक्रार दाखल केली. पोलिसांनी घटनास्थळी धाव घेत चौकशी केली.

या प्रकरणाची माहिती देताना डीसीपी आशिष मिश्रा म्हणाले, तरूणीच्या मृत्यूनंतर वॉर्डमधील काही रूग्णालयातील कर्मचाऱ्यांनी जबाब दिला. त्या दिवशी वॉर्डमध्ये दाखल असलेल्या एका पुरूष रूग्णाने तरूणीला आधी मारहाण केली. नंतर तिच्यावर लैंगिक अत्याचार केला. यानंतर तरूणीला जेटीबी रूग्णालयात दाखल करण्यात आलं.

दरम्यान, उपचार घेत असतानाच तिचा मृत्यू झाला. पोलिसांनी मोहम्मद फैज या संशियत आरोपीला बेड्या ठोकल्या आहेत. फैज कच्छी खजुरी येथील रहिवासी असून, त्याची चौकशी सुरू आहे. शवविच्छेदन अहवाल आल्यानंतर मृत तरूणीचे खरे कारण समोर येईल. त्यानंतर पुढील करावाई केली जाईल, असं पोलिसांनी सांगितलं.