बीजिंग - 2019 मध्ये वुहानमधून Wuhan कोरोना Corona या महाभयंकर आजाराची सुरुवात झाली होती. त्याच वुहानमध्ये आता पुन्हा एकदा कोरोना बाधित रुग्णांची संख्या वाढताना दिसून येत आहे. त्यामुळे वुहानमध्ये आता चाचण्या वाढवण्याचे आदेश देण्यात आले आहेत.

हे देखील पहा -

वुहानची लोकसंख्या ही 1.1 कोटी आहे. त्यामुळे आता तिथे रुग्णांची संख्या वाढत असल्याने चाचण्या वाढवण्यात येणार आहेत. सोमवारी वुहानमध्ये तीन कोरोनाबाधित रुग्ण सापडले आहेत. चीनने कोरोना या आजारावर यशस्वी मात केली आहे. 2019 मध्ये वुहानमध्ये करोनाचा प्रसार वेगात होता. अनेक ठिकाणी टाळेबंदी आणि सामूहिक चाचण्या करून तसेच लोकांना विलगीकरणात ठेवून ही कोरोनाची साथ आटोक्यात आणली गेली होती.

सध्या वुहानमध्ये कोरोनाचा उद्रेक फार मोठा नसला तरी एकूण रुग्णांची संख्या शंभराहून अधिक झाली आहे. आताचा विषाणू हा जास्त वेगाने पसरत आहे. बीजिंगमध्येही कोरोनाचे रुग्ण सापडले आहेत. यातील अनेक रुग्ण डेल्टा विषाणूचे आहेत.

Edited By - Shivani Tichkule