Corona Update: गेल्या दोन वर्षापासून जगभरात कोरोनाने (Corona) हाहाकार माजवला होता. अनेक देश कोरोनामुळे लॉकडाऊन करण्यात आले होते. कोरोना महामारीला आता तीन वर्षे पूर्ण होत आहेत. यावर आता जागतिक आरोग्य संघटनेच्या (WHO) प्रमुखांनी महत्वाचे वक्तव्य केले आहे. 'कोरोना महामारीचा अंत होण्याची वेळ जवळ आल्याची आशा त्यांनी व्यक्त केली आहे.

सर्व देशांना या कोरोनाचा (Corona) सामना करण्यासाठी त्यांचे प्रयत्न सुरू ठेवण्याचे मी आवाहन करतो, ज्याने आतापर्यंत जगभरात ६५ लाखांहून अधिक लोकांचा बळी घेतला आहे.

WHO प्रमुख डॉ. टेड्रोस अधानोम गेब्रेयसस यांनी बुधवारी पत्रकार परिषदेत माहिती दिली. 'आम्ही कोरोना महामारीचा अंत करण्यासाठी कधीही चांगल्या वेळेत नव्हतो. अजूनही अंताच्याजवळ नाही, पण शेवट जवळ आला आहे. या संधीचा वापर करण्यासाठी जगाने पावले उचलण्याची गरज आहे. जर आपण आता या संधीचा फायदा घेतला नाही, तर अधिक धोका आहे, असंही WHO चे प्रमुख डॉ. टेड्रोस अधानोम गेब्रेयसस म्हणाले.

२०१९ वर्षाच्या शेवटच्या दिवसात चीनमध्ये पहिल्यांदा कोरोना व्हायरसला सुरूवात झाली. तेव्हापासून आता WHO च्या प्रमुखांनी आशावादी विधान केले आहे. गेल्या आठवड्यात जागतिक स्तरावर नोंद केलेल्या रुग्णांची संख्या मार्च २०२० नंतरच्या सर्वात कमी झाली आहे.

कोविड-19 वरील WHO च्या ताज्या अहवालानुसार, ११ सप्टेंबर रोजी संपलेल्या आठवड्यात जगभरात नोंदलेल्या कोरोना संसर्गाच्या नवीन रुग्णांची संख्या २८ टक्क्यांनी घटून ३१ लाखांवर आली आहे. याआधी एक आठवडापूर्वी १२ टक्क्यांनी घसरला होता. (Corona Update)