हरियाणा काँग्रेसने मोठी कारवाई केली आहे. पक्षाने राज्यसभा निवडणुकीत क्रॉस व्होटिंग करणाऱ्या ५ आमदारांना निलंबित करण्यात आलं आहे. पक्षात अंतर्गत शिस्त राखण्यासाठी कारवाई करण्यात आली आहे. हरियाणा काँग्रेसच्या निर्णयाने राजकीय वर्तुळात खळबळ उडाली आहे.

हरियाणा प्रदेश काँग्रेस कमिटीचे अध्यक्ष राव नरेंद्र सिंह यांनी कारवाईचे आदेश जारी केले आहेत. त्यांनी सांगितलं की, '५ आमदारांना पक्षातील प्राथमिक सदस्य पदापासून तात्काळ निलंबित करण्यात आलं आहे. संघटनात्मक शिस्तीच्या उल्लंघनाचं गांभीर्य लक्षात घेऊन पक्षाने निर्णय घेतला आहे.

राव नरेंद्र सिंह यांनी स्पष्ट केलं आहे की, 'आमदारांवर ही कारवाई प्रदेश कमिटीच्या सूचनेनंतर करण्यात आली आहे. आदारांवर कारवाई करण्यासाठी आधी काँग्रेसचे राष्ट्रीय अध्यक्ष मल्लिकार्जुन खरगे यांची परवानगी घेण्यात आली आहे. 'पक्षाच्या पातळीवरून ही कडक कारवाई करण्यात आली आहे, असा संदेश कारवाईने देण्यात आला आहे.

शैली चौधरी, रेणु बाला, मोहम्मद इलियास पुनहाना, मोहम्मद इस्त्रायल आणि जनरैल सिंह यांच्या नावाचा समावेश आहे. सर्व आमदार अनुक्रमे नारायणगढ, सढौरा, रतिया, पुनहाना आणि हथीन विधानसभा मतदारसंघातील आहे. या आमदारांनी पक्षाच्या विरोधात जाऊन भूमिका घेतल्याचा आरोप आहे. राज्यसभा निवडणुकीच्या वेळी अधिकृत उमेदवाराऐवजी दुसऱ्या उमेदवाराला मतदार केल्याचा ठपका त्यांच्याविरोधात आहे. त्यांनी केलेली कृती पक्षाला मान्य नसल्याचे म्हणत कारवाई केल्याचे काँग्रेसचे म्हणणं आहे.

काँग्रेस घेतलेल्या निर्णयाने राजकीय वर्तुळात हालचालींना वेग आला आहे. काँग्रेसने निलंबनाची कारवाई करून पक्षात शिस्त राखण्यासाठी पाऊल उचलल्याचे सांगण्यात येत आहे. काँग्रेसने घेतलेल्या निर्णयाने हरियाणाच्या राजकारणावर काय परिणाम होणार, हे पाहावे लागणार आहे.