Chhattisgarh plane crash Update : छत्तीसगडच्या जशपूर जिल्ह्यात एका खासगी विमानाचा अपघात झालाय. मिळालेल्या माहितीनुसार, विमान जाऊन थेट डोंगराला धडकल्याने मोठी दुर्घटना घडली. येथील आरा टेकड्यांमध्ये हे खासगी विमान (Chhattisgarh Jashpur private plane crash Ara hills details) कोसळले. या विमानात (Private aircraft crash India) किती जण होते? कोणकोण होते? याबाबतची माहिती समोर आलेली नाही. पण विमान कोसळल्यानंतर मोठा आवाज झाला अन् धुराचे लोट हवेत उडाल्याचे दिसले. विमान दुर्घटनेत मोठी जिवितहानी झाल्याची शक्यता वर्तवण्यात येत आहे.

छत्तीसगडमधील स्थानिकांनी दिलेल्या माहितीनुसार, जशपूरच्या नारायणपूर भागातील रतनपहळी जंगलात चार्टर्ड विमान झाडांना धडकले. अपघातानंतर डोंगराळ भागातून आगीच्या ज्वाला आणि धूर निघताना दिसत होता. दरम्यान, विमान दुर्घटनेची माहिती मिळताच पोलीस आणि प्रशासकीय पथके घटनास्थळी दाखल झाली आहेत. तात्काळ सर्वांनी बचावकार्य सुरू केले. विमानात किती लोक होते हे अद्याप स्पष्ट झालेले नाही.