काल लोकसभेत एक महत्त्वाचा निर्णय घेण्यात आला आहे. सरकारी कर्मचाऱ्यांन जर अवयवदान केले तर त्यांनी ४२ दिवसांची स्पेशल कॅज्युअल सुट्टी दिली जाणार आहे. याबाबत काल बुधवारी घोषणा करण्यात आली आहे. जर कोणत्याही केंद्रिय कर्मचाऱ्याने अवयवदान केले असेल तर त्याला ही सुट्टी मिळणार आहे.

याबाबत मंत्री जितेंद्र सिंग यांनी लेखी स्वरुपात माहिती दिली आहे. अवयवदान केल्यानंतर भारत सरकार केंद्रिय कर्मचाऱ्यांना ४२ दिवसांची अतिरिक्त सुट्टी दिली जाईल, असं त्यांनी म्हटलं आहे.

२०२३ मध्ये कार्मिक मंत्रालयाने जारी केलेल्या आदेशानुसार अवयवदात्याचादेखील अवयव काढला जातो. त्यासाठी शस्त्रक्रिया केली जाते. यामध्ये नोंदणीकृत डॉक्टरच्या शिफासशीनुसार विशेष कॅज्युअल रजेचा कालावधी जास्तीत जास्त ४२ दिवस असेल. रुग्णालयात दाखल केल्यापासून ही रजा घेतली जाईल, असं निवेदनात म्हटले आहे. आवश्यक असल्यास सरकारी नोंदणीकृत वैद्यकीय डॉक्टरांच्या शिफारशीनुसार शस्त्रक्रियेच्या जास्तीत जास्त १ आठवडा आधीपासून रजा मिळू शकते, असंही त्यांनी म्हटलं आहे.

दरम्यान, अवयवदानाची शस्त्रक्रियेसाठी खूप वेळ लागतो. त्यानंतर हॉस्पिटलमध्येही बराच वेळ राहावे लागते. डिस्चार्जनंतरही पेशंटला बरे होण्यासाठी बरेच दिवस लागतात. त्यामुळे केंद्रीय कर्मचाऱ्यांना जास्तीत जास्त ४२ दिवसांची प्रासंगिक रजा देण्याचा निर्णय घेण्यात आला आहे. याबाबत आदेश यापूर्वीच जारी केले होते. आता बुधवारी लोकसभेत याबाबत लेखी स्वरुपात माहिती देण्यात आली.

अवयवदान केल्यानंतरही माणूस पूर्णपणे बरे व्हायला खूप वेळ लागतो. त्यामुळे त्याला आरामाची गरज असते. अशा परिस्थितीत त्यांना सुट्टी देणे खूप गरजेचे आहे.