Accident News: उत्तराखंडमधील पौरी गढवाल जिल्ह्यात मंगळवारी वऱ्हाड्यांनी भरलेली बस 500 मीटर खोल दरीत कोसळली आहे. या बसमध्ये सुमारे 45 ते 50 जण प्रवास करत असल्याचे सांगण्यात येत आहे. मंगळावरी रात्री आठच्या सुमारास हा अपघात झाल्याची माहिती समोर येत आहे. अपघाताची माहिती मिळताच पोलिसांनी (Police) घटनास्थळी धाव घेतली. त्यानंतर बचावकार्य सुरु आहे.

तसेच स्थानिक नागरिकही यंत्रणेला बचावकार्यात मदत करत आहेत. एसडीआरएफच्या (NDRF) चार पथके येथे बचावकार्यात गुंतलेली आहेत. या अपघातात आतापर्यंत 25 जणांचा मृत्यू झाल्याची माहिती समोर येत आहे. मृतांचा आकडा वाढण्याची शक्यता वर्तवण्यात येत आहे.तर आतापर्यंत 21 जणांना वाचवण्यात एसडीआरएफच्या जवानांना यश आले आहे. तर, उर्वरीत लोकांचा शोध सुरु आहे.

उत्तराखंडचे डीजीपी अशोक कुमार यांनी या घटनेबाबत माहिती दिली. "पौरी गढवालच्या बिरखल भागात काल रात्री झालेल्या बस अपघातात 25 जणांचा मृत्यू झाला आहे. पोलीस आणि एसडीआरएफने 21 जणांची सुटका केली आहे. जखमींना जवळच्या रुग्णालयात दाखल करण्यात आले आहे.

Edited By - Shivani Tichkule