Fadnavis on Budget: केंद्रीय अर्थमंत्री निर्मला सीतारामण यांनी आज देशाचा अर्थसंकल्प सादर केला आहे. हे बजेट मध्यमवर्गीयांचे स्वप्न पूर्ण करणारे बजेट आहे, अशी प्रतिक्रिया राज्याचे उपमुख्यमंत्री देवेंद्र फडणवीस यांनी दिली आहे. या बजेटनुसार ज्याचे इन्कम 9 लाख आहे त्याल 45 हजार टॅक्स भरावा लागणार आहे. या तरतुदीमुळे मध्यमवर्गीयांना प्रचंड मोठा दिलासा दिला आहे असे फडणवीस म्हणाले.

यावेळी बोलताना फडणवीसांनी शिवसेनेवर देखील टीका केली. शिवसेनेच्या खासदारांना कोणते आकडे कळतात आणि किती कळतात हे सर्वाना माहिती आहे, त्यामुळे त्यांच्याबद्दल विचारू नका असे फडणवीस म्हणाले.

फडणवीसांचा विरोधकांना सल्ला

पंतप्रधान मोदी आणि अर्थमंत्र्यांचे आभार देवेंद्र फडणवीस म्हणाले की, काय प्रतिक्रिया द्यायची हे विरोधकांनी सकाळी ठरवलं होतं, त्यांनी बजेटचा अभ्यास केला नाही. काही विरोधक सकाळपासून लिहून आलेले असतील की, राज्याला काहीही मिळालेलं नाही. त्यामुळे न वाचता विरोधकानी प्रतिक्रिया देऊ नये, असा सल्ला देखील फडणवीसांनी विरोधकांना दिला आहे.

पंतप्रधान मोदी आणि अर्थमंत्र्यांचे आभार

देवेंद्र फडणवीस म्हणाले की, सूक्ष्म, मध्यम आणि लघु उद्योगाला या बजेटमुळे मोठा फायदा होणार आहे. तसेच हेल्थ सेकटरमध्ये 157 नर्सिंग कॉलेज सुरू करण्याचा महत्वाचा निर्णय घेण्यात आला आहे. आदिवासी विकासासाठी सर्व समावेशी अशी योजना तयार करण्यात आली आहे आणि एसी, एनटी आणि ओबीसींसाठी मोठी योजना आखण्यात आली आहे. या बजेटसाठी मी देशाचे पंतप्रधान मोदी आणि अर्थमंत्र्यांचे आभार मानतो.