वृत्तसंस्था: केंद्रीय अर्थमंत्री निर्मला सितारामन (Nirmala Sitharaman) आज देशाचा अर्थसंकल्प (Budget) संसदेत सादर करणार आहेत. मोदी सरकारच्या दुसऱ्या कार्यकाळात हा तिसरा अर्थसंकल्प असून केंद्रीय मंत्री निर्मला सितारामन यांचा अर्थमंत्री म्हणून चौथा अर्थसंकल्प असणार आहे. कोरोनाचे (Corona) संकट २ वर्षांपासून ओढावले आहे. अशा परिस्थितीमध्ये देशाबरोबरच जागतिक अर्थव्यवस्थेसमोर (Economy) यातून सावरण्याचे आव्हान आहे. (Budget 2022 GST collection increased in January)

हे देखील पहा-

अर्थव्यवस्थेला उभारी मिळण्याकरिता या अर्थसंकल्पात काय असेल याकडे सर्वांचे लक्ष लागून राहिले आहे. कोरोनाचा फटका बसलेल्या क्षेत्राला दिलासा देणे आणि रोजगार निर्मितीचे आव्हान केंद्र सरकारपुढे राहणार आहे. अर्थमंत्री निर्मला सितारामन या अर्थ मंत्रालयात पोहोचले आहेत. मंत्रिमंडळाच्या (Cabinet) बैठकीनंतर त्या संसदेत अर्थसंकल्प सादर करणार आहेत. सकाळी १० वाजून १० मिनिटांनी मंत्रिमंडळ बैठक होणार आहे.

यामध्ये मंजुरी मिळाल्यानंतर अर्थसंकल्प घेऊन अर्थमंत्री निर्मला सितारामन या संसदेत पोहोचणार आहेत. सकाळी ११ वाजता त्यांच्या अर्थसंकल्पाच्या भाषणाला सुरुवात होणार आहे. अर्थसंकल्पा अगोदर जीएसटी (GST) कलेक्शनविषयी माहिती केंद्राकडून देण्यात आली आहे. जानेवारी महिन्यात १.३८ लाख कोटी रुपयांचा जीएसटी सरकारच्या तिजोरीत जमा झाला आहे.

मागील वर्षी जानेवारी महिन्याच्या तुलनेत हे प्रमाण १५ टक्के अधिक आहे. सलग चौथ्या महिन्यात जीएसटी कलेक्शन १.३० लाख कोटींहून अधिक असून सर्वाधिक जीएसटी कलेक्शन मागीलवर्षी एप्रिलमध्ये १.३९ लाख कोटी रुपये इतके झाले होते.

Edited By- Digambar Jadhav