Breaking News : Prime Minister Narendra Modi will address the nation today at 5 pm : पंतप्रधान नरेंद्र मोदी आज देशाला संबोधित करणार आहे. आज सायंकाळी पाच वाजता पंतप्रधान नरेंद्र मोदी देशवासीयांना संबोधित करणार आहेत. जीएसटी कपात, अमेरिका टॅरिफ वॉर, H1B व्हिसासाठी अमेरिकेचे नवे नियम, भारत-पाकिस्तान संबंध या विषयावर पंतप्रधान नरेंद्र मोदी बोलण्याची शक्यता वर्तवण्यात येत आहे. त्याशिवाय उत्तर भारतात पावसाने धुमाकूळ घातला आहे. पूर स्थितीमुळे उत्तर भारतासाठी मोदी आर्थिक मदत करण्याची शक्यता आहे. बिहार निवडणुकीच्या दृष्टीनेही मोदी काही घोषणा करणार का? याकडे सर्वांच्या नजरा लागल्या आहेत. आज संध्याकाळी पंतप्रधान नरेंद्र मोदी कोणती मोठी घोषणा करणार? याकडे सर्वांच्या नजरा लागल्या आहेत. (Pm Narendra Modi to Address the Nation at 5 Pm Today – Big Announcements Expected)

पंतप्रधान नरेंद्र मोदी आज संध्याकाळी ५ वाजता देशाला संबोधित करणार आहेत. नरेंद्र मोदी देशाला संबोधित करताना काय बोलणार? याकडे भारतासह जगाचे लक्ष लागले आहे. आर्थिक आणि भारताचे विदेशी धोरणावर पंतप्रधान महत्त्वाचे बोलण्याची शक्यता आहे. टॅरिफ, H-1B व्हिसा आणि GST मधील होत असलेला बदल, यावर बोलण्याची शक्यता आहे.

पतंप्रधान नरेंद्र मोदी यांचे संबोधन टीव्ही, रेडिओ आणि डिजिटल प्लॅटफॉर्मवर लाईव्ह पाहता येणार आहे. पंतप्रधान नरेंद्र मोदी यांच्या संबोधनाबाबत अद्याप सविस्तर माहिती समोर आलेली नाही. पण देशाची अर्थव्यवस्था आणि आंतरराष्ट्रीय संबंधावर पंतप्रधान बोलू शकतात, असा अंदाज तज्ज्ञांनी व्यक्त केला आहे. त्याशिवाय उत्तर भारतामध्ये गेल्या काही दिवसांत पावासमुळे प्रचंड प्रमाणात नासाडी झाली आहे. त्याबाबत मोठ्या मदतीची घोषणाही केली जाऊ शकते.

पंतप्रधान नरेंद्र मोदी यांनी मागील ११ वर्षांमध्ये स्वदेशीचा नारा दिला आहे. भारतीय नागरिकांना दैनंदिन जीवनात भारती उत्पादनांचा वापर वाढवण्याचं नेहमीच आवाहन केलेय. स्वदेशी वस्तू वापरल्यामुळे फक्त आर्थव्यस्था वाढत नाही तर आत्मनिर्भरता आणि सांस्कृतिक गौरव वाढवण्याची संधी असल्याचे मोदींनी वारंवार सांगितलेय. देशातील लोकांना रोजगार निर्मितीसाठी प्रत्येकाने स्वदेशी वस्तू, उत्पादनांचा वापर करावा, त्यामुळे आपली अर्थव्यवस्था अधिक मजबूत होऊ शकते, असेही त्यांनी म्हटले आहे.