Allahabad University Bomb Blast

अलाहाबाद विद्यापीठाच्या वसतिगृहात झालेल्या बॉम्बस्फोटात एक विद्यार्थी गंभीर जखमी झाल्याची धक्कादायक माहितीसमोर आली आहे. बॉम्ब बनवणाऱ्या विद्यार्थ्याची प्रकृती चिंताजनक असून बॉम्ब नेमका कशासाठी बनवत होता, हे अद्याप स्पष्ट झालेले नाही. या घटनेत आणखी एक विद्यार्थी जखमी झाला आहे. या घटनेमुळे उत्तर प्रदेशमध्ये खळबळ माजली असून चौकशीचे आदेश देण्यात आले आहेत.

सहाय्यक पोलीस आयुक्त राजेश कुमार यादव यांनी दिलेल्या माहितीनुसार, अलाहाबाद विद्यापीठाचा एमएचा विद्यार्थी प्रभातयादव पीसी बॅनर्जी वसतिगृहाच्या खोलीत बॉम्ब बनवत होता. यादरम्यान अचानक मोठा बॉम्बचा स्फोट झाला. यात त्याच्या उजव्या हाताला गंभीर दुखापत झाली. त्यांच्या सोबत असलेला दुसरा विद्यार्थीही जखमी झाला आहे. त्यांना तातडीने जवळच्या रुग्णालयात उपचारासाठी दाखल करण्यात आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हा विद्यार्थी वसतिगृहात स्वयंपाक बनवताना हा स्फोट झाल्याचीही माहिती समोर आली आहे. दरम्यान हा विद्यार्थी बॉम्ब कशासाठी बनवत होता हे अद्याप स्पष्ट झालेले नाही. पोलीस सध्या या प्रकरणाचा तपास करत आहेत. तसेच जखमी विद्यार्थ्याला एसआरएन रुगणालयात हलवण्यात आले असून त्याची प्रकृती चिंताजनक आहे, अशी माहिती पोलिसांनी दिली.