जंतरमंतरवरील जेन झी आंदोलकांवर बरलणाऱ्या कंगना रनौतनं आपली बेताल ब़डबड सुरूच ठेवलीय. कंगनाच्या आंदोलकांबाबतच्या आक्षेपार्ह पोस्टवर देशभरातून टीकेची झोड उठली. उलट उलट्या बोंबा मारणाऱ्या कंगनानं मीडियावरच आपलं खापर फोडलं असून आपला हेका कायम ठेवलाय. तर सीजेपी संस्थापक अभिजीत दिपकेंनी कंगनाचा समाचार घेतलाय.

कंगनाचा विरोधी पक्षातल्या महिला नेत्या आणि अभिनेत्रींनीही तिखट शब्दात टीका केलीय. राखी सावंतनं तर कमंगनाला थेट ठोकून काढण्याची भाषा केलीय. तर कंगनानं नको ते तारे तोडल्यामुळे आता भाजपच्या मंत्र्यांचीही अडचण झालीय. त्यामुळे कंगनाच्या विधानाशी भाजप नेत्यांनी असहमती दर्शवलीय. मंत्री गिरीश महाजन यांनी कंगनाचे कान टोचले आहेत. आंदोलन करणं हा नागरिकांचा मूलभूत अधिकार असताना खासदार असलेल्या कंगनाला याचं साधं भान नाही. त्यामुळे कंगनानं निदान तिची नव्हे तर सत्ताधारी भाजपची तरी प्रतिष्ठा सांभाळण्याची गरज आहे.