बिहारची राजधानी पटनाजवळ असलेल्या बिहटा शहरात खळबळजनक घटना घडली आहे. बिहटा पोलीस स्टेशनच्या हद्दीत ८ वर्षीय मुलीवर अत्याचाराची घटना घडली. अत्याचाराची घटना उघडकीस झाल्यानंतर पोलिसांनी नराधमाला अटक केली. २१ वर्षीय आरोपीवर कठोर कारवाईची मागणी केली जात आहे.

बिहटा पोलीस स्टेशनच्या हद्दीतील एका गावात राहणाऱ्या २१ वर्षीय नराधमाने ८ वर्षीय मुलीवर अत्याचार केला. चॉकलेटचं आमिष देऊन तिला दुकानात बोलावलं. त्यानंतर तिच्यावर अत्याचार केल्याची माहिती समोर आली आहे. आरोपीचं गावात चॉकलेटचं दुकान आहे.

पीडित मुलीने तिच्यासोबत घडलेल्या घटनेची माहिती आईला दिली. त्यानंतर तिच्या आईने तातडीने पोलिसांत धाव घेतली. या प्रकरणी पोलिसांनी नराधमावर तात्काळ गुन्हा नोंदवला. त्यानंतर आरोपीला अटक करण्यात आली आहे. पीडित मुलीला वैद्यकीय तपासणीसाठी पाठवण्यात आलं आहे. पोलिसांचं विशेष पथक बारकाईने प्रकरण हाताळत आहे.

पोलिसांनी सांगितलं की, 'एक महिला सांयकाळी बिहटा पोलीस स्टेशनला पोहोचली. तिने ८ वर्षीय मुलीवर अत्याचार झाल्याची तक्रार दिली. चॉकलेटचं आमिष देऊन दुकानात बोलावलं. त्यानंतर तिच्यावर अत्याचार केला. पोलिसांनी आरोपीवर पोक्सो अंतर्गत गुन्हा नोंदवला आहे. तसेच या प्रकरणात अनुसूचित जाती जमाती अत्याचार प्रतिबंधक कायद्यांतर्गत गुन्हा दाखल करण्यात आला आहे.

बिहटा पोलिसांनी आरोपीला तातडीने अटक केली आहे. पीडित मुलीचं वैद्यकीय तपासणी केली जात आहे. आरोपीवर पोक्सो आणि अनुसूचित जाती जमाती अत्याचार प्रतिबंधक कायद्यांतर्गत कारवाई केली जाणार आहे. ग्रामस्थांनी आरोपीला फाशीची शिक्षा देण्याची मागणी केली आहे.