India-Bound Cargo Ship Hijacked by Houthi Rebels:

येमेनच्या हुथी बंडखोरांनी रविवारी तुर्कियेहून भारताकडे जाणाऱ्या मालवाहू जहाजाचे अपहरण केल्याची बातमी समोर येत आहे. इस्रायल डिफेन्स फोर्सने (IDF) ट्विटरवर एका पोस्टद्वारे ही माहिती दिली.

IDF पोस्टनेमध्ये म्हटलं आहे की, ''येमेनजवळील दक्षिण लाल समुद्रात हुथी बंडखोरांनी मालवाहू जहाजाचे अपहरण केले आहे. जागतिक स्तरावर ही अत्यंत गंभीर घटना आहे. हे जहाज तुर्कियेहून निघाले होते आणि भारताकडे जात होते, ज्यामध्ये अनेक देशांचे नागरिक होते. यामध्ये इस्रायलींचा सहभाग नाही किंवा ते इस्रायली जहाजही नाही.'' ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

येमेनच्या हुथी बंडखोरांनी आज इस्रायली जहाजांना धमकी दिली होती. यात म्हटलं गेलं होतं की, ते इस्त्रायली कंपन्यांच्या मालकीच्या किंवा चालवलेल्या जहाजांना लक्ष्य करतील. इस्त्रायलचा ध्वज फडकवणारे कोणतेही जहाज पेटवून दिले जाईल, असेही त्यांच्याकडून सांगण्यात आले होते. (Latest Marathi News)

हुथी बंडखोरांच्या प्रवक्त्याने याबाबत एक निवेदन जारी केले आहे. इतर देशांनी याकडे लक्ष देण्याची आणि अशा जहाजांवर काम करणाऱ्या आपल्या नागरिकांना परत बोलावण्याची गरज असल्याचे त्यात म्हटले आहे.

दरम्यान, काही दिवसांपूर्वीच हौथी बंडखोरांनी सौदी अरेबियातील जेद्दाह येथील तेलसाठ्यावर हल्ला केला होता. दोन वर्षांपूर्वीही येथे हल्ला करण्यात आला होता. सौदी अरामको या सौदी राज्य तेल कंपनीच्या तेलसाठ्यावर नोव्हेंबर 2020 मध्ये हुथी बंडखोरांनी क्षेपणास्त्राने लक्ष्य केले होते.