बंगळुरूमधून एक संतापजनक बातमी समोर येत आहे. मध्यरात्रीच्या सुमारास भररस्त्यावर एका व्यक्तीने महिलेचा विनयभंग केला आहे. नंतर तेथून पळ काढला आहे. ही संपूर्ण घटना सीसीटीव्ही कॅमेरात कैद झाली आहे. या घटनेची माहिती परिसरात पसरल्यानंतर काही काळ भीतीचे वातावरण निर्माण झाले होते. या घटनेमुळे महिला खरंच सुरक्षित आहेत का? असाही प्रश्न निर्माण होत आहे.

बंगळुरू पोलिसांनी दिलेल्या माहितीनुसार, २ महिला एका अरुंद गल्लीतून जात होते. या दरम्यान, एक व्यक्ती महिलांच्या मागून चालत होता. चालत असताना त्याने एका महिलेची वाट अडवली. तसेच तिची छेड काढली आणि स्पर्श करून विनयभंग केला. या घटनेनंतर घाबरलेल्या महिला त्या परिसरातून पळून जातात.

ही संपूर्ण घटना सीसीटीव्ही कॅमेरामध्ये कैद झाली आहे. बंगळुरू पोलिसांच्या म्हणण्यानुसार, अद्याप अज्ञात आरोपीविरोधात महिलेने कोणतीही तक्रार दाखल केलेली नाही. या घटनेचा सीसीटीव्ही व्हिडिओ समोर आला आहे. या प्रकरणी आरोपीविरोधात कलम ३५४ ब अंतर्गत एफआआर दाखल करण्यात आला आहे. ही तक्रार महिलेने नसून, एका स्थानिक रहिवाशाने पोलीस ठाण्यात केली आहे.

बेंगळुरूमध्ये महिलांवरील लैंगिक छळाच्या घटना वारंवार घडत आहेत.. या वर्षाच्या सुरुवातीला, जानेवारीमध्ये, एका २४ वर्षीय महिलेचा कॅबमध्ये विनयभंग केला होता.