दिल्ली दारू घोटाळा प्रकरणी मुख्यमंत्री अरविंद केजरीवाल यांच्या नियमित जामीन याचिकेवर राऊस एव्हेन्यू कोर्टात सुनावणी झाली. या सुनावणीत अरविंद केजरीवाल यांना न्यायालयाने दणका दिलाय. दिल्लीच्या राऊस ॲव्हेन्यू कोर्टाने केजरीवाल यांच्या न्यायालयीन कोठडीत ३ जुलैपर्यंत वाढ केलीय. केजरीवाल यांना तिहार तुरुंगातच राहावे लागणार आहे.

विशेष न्यायाधीश न्याय विंदू यांच्या न्यायालयात आजची सुनावणी झाली. ईडीच्या वतीने एएसजी एसव्ही राजू आणि केजरीवाल यांचे वकील विक्रम चौधरी न्यायालयात उपस्थित होते. दोघांनीही आपापल्या बाजूने युक्तिवाद केला. केजरीवाल यांच्या अटकेला आणि रिमांडला आव्हान देणाऱ्या याचिकेवर सर्वोच्च न्यायालयाने आपला निर्णय राखून ठेवला असल्याचे विक्रम चौधरी यांनी न्यायालयाला सांगितलं. सर्वोच्च न्यायालयाने कनिष्ठ न्यायालयात जामीन याचिका दाखल करण्यास परवानगी दिल्याची माहिती विक्रम चौधरी यांनी दिली.