• आंध्र प्रदेशमध्ये बस आणि स्कुटीचा भीषण अपघात झालाय.

• स्कुटी चालकाचा जागीच मृत्यू

• अपघाताचा व्हिडिओ सोशल मीडियावर व्हायरल होतोय.

आंध्र प्रदेशमध्ये एक भीषण अपघात घडलाय. या अपघाताचा व्हिडिओ सोशल मीडियावर व्हायरल होतोय. या व्हिडिओमध्ये स्कूटर चालक दिसतोय. तो रस्त्यावरून जाताना दिसतोय, त्याचवेळी पाठीमागून जाणाऱ्या बसने टक्कर दिली. त्यानंतर स्कुटी चालक बसखाली आला. स्कूटर आणि बस एकाच दिशेने जात होते. त्यावेळी अचानक बसचा काही भाग स्कूटरला लागला.

त्यामुळे स्कूटर चालकाचा तोल गेला आणि तो रस्त्यावर पडला. त्यानंतर तो बस खाली आला. पापणी हालण्याच्या वेळात ही घटना घडली. त्यामुळे या व्यक्तीला वाचवण्यासाठी प्रयत्न करता आला नाही. ही संपूर्ण घटना एका सीसीटीव्ही कॅमेऱ्यात कैद झाली.

अपघात झाल्यानंतर तेथील लोक घटनास्थळी धावत आले, परंतु तोपर्यंत खूप उशीर झाला होता. बसच्या चाकाखाली चिरडल्या गेल्यानं त्या व्यक्तीचा जागीच मृत्यू झाला. त्यावेळी रस्त्याने जाणाऱ्या इतर वाहनधारकांनी तात्काळ पोलिसांना या अपघाताची माहिती दिली. पोलिसांनी घटनास्थळी येऊन मृतदेह ताब्यात घेतला आणि पोस्टमॉर्टमसाठी पाठवला.

शहरातील एका वर्दळीच्या भागात हा अपघात झाल्याचे वृत्त आहे. येथे मोठ्या प्रमाणात वाहतूक होत असते. बस चालक वेगात होता. बस चालक स्कुटीला ओव्हरटेक करण्याचा प्रयत्न करत होता. त्याच प्रयत्नात अपघात घडल्याची माहिती स्थानिकांनी दिली आहे. अपघातानंतर बस चालक घटनास्थळावरून फरार झाला आहे, पोलीस त्याचा शोध घेत आहेत.

कारची डंपरला धडक, इंजिनचा चक्काचूर झाल्यानंतर कारने पेट घेतला

पुणे जिल्ह्याच्या मुळशी तालुक्यातील भुकुम येथे भीषण अपघात घडला. एका डंपरला चारचाकी कारची जोरदार धडक बसली. या घटनेमध्ये कारचे मोठ्या प्रमाणात नुकसान झाले. कारच्या पुढच्या भागाला आग लागल्याचेही म्हटले जात आहे. हा अपघात पुणे-कोलाड रस्त्यावर घडला. मिळालेल्या माहितीनुसार, पुणे-कोलाड रस्त्यावर चारचाकी कारची डंपरला धडक झाली. डंपरला कार आदळल्यानंतर कारने पेट घेतला. सुदैवाने या अपघातात कोणतीही जीवितहानी झालेली नाही. पण कारचालकाच्या छातीला मार लागला.