अमेरिकेच्या लुसियामध्ये गोळीबाराची थरारक घटना घडली आहे. या गोळीबारात ८ लहान मुलांचा मृत्यू झाला आहे. लुसियानातील श्रेवपोर्टमध्ये ही गोळीबाराची घटना घडली. मृतांमध्ये १ ते १४ वर्षांच्या वयोगटातील लहान मुलांचा समावेश आहे. घटनेची माहिती मिळताच पोलिसांनी घटनास्थळी धाव घेतली. गोळीबाराच्या घटनेने परिसरात खळबळ उडाली आहे.

पोलिसांचे विभाग प्रमुख क्रिस बोर्डेलॉन यांनी सांगितलं की, घरगुती वाद टोकाला गेला. त्यानंतर माथिफिरूने गोळीबार केला. या प्रकरणाचा पोलिसांनी तपास सुरू केला आहे'.

अमेरिकेतील पोलीस अधिकारी क्रिस बोर्डेलॉन यांनी पुढे सांगितलं की, 'घरगुती वादाला हिंसक वळण लागलं. अमेरिकेत सकाळी ६ वाजता वाद सुरू झाला. त्यानंतर हल्लेखोराने गोळीबार सुरू केला. त्याने परिसरात असलेल्या एका पाठोपाठ ८ लहान मुलांना जीव घेतला'.

गोळीबारानंतर घटनास्थळी एकच खळबळ उडाली. पोलिसांनी माथेफिरूचा एन्काऊंटर केला. अमेरिकेच्या लुइसियानामधील श्रेवेपोर्ट, टेक्साच्या सीमेजवळ ही घटना घडली. लोकसंख्येनुसार तिसरं मोठं शहर आहे.

इटलीत दोन भारतीयांची गोळ्या झाडून हत्या

इटलीत दोन भारतीय नागरिकांची गोळ्या झाडून हत्या करण्यात आली. इटलीच्या बर्गामो प्रांतातील कोवो भागात ही गोळीबाराची घटना घडली. ही घटना शुक्रवारी रात्री घडली. दोन्ही नागरिक वेअरहाऊसमधून बाहेर पडत होते. त्याचवेळी त्यांच्यावर गोळीबार झाला. दोन्ही भारतीय नागरिकांची ओळख पटली आहे.

रागिंदर सिंह, गुरमीत सिंह असे दोन्ही मृत व्यक्तींचे नावे आहेत. गोळीबारानंतर हल्लेखोर घटनास्थळावरून कारने फरार झाले. हल्लेखोर अचानक घटनास्थळी पोहोचला. त्यानंतर गोळ्या झाडण्यास सुरुवात केली. घटनास्थळावरून १० रिकामे काडतुसे जप्त करण्यात आली आहे. हल्लेखोराने अनेक गोळ्या झाडल्या.