ट्रम्प सत्तेत आले आणि अमेरिका-चीनमधलं व्यापार युद्ध सुरु झालं असं म्हणावं लागेल. कारणं आपल्या नवीन कर धोरणावरुन ट्रम्प यांनी चीनची कोंडी केलीये. डोनाल्ड ट्रम्प यांनी चीनवर आता तब्बल १०४ टक्के आयात कर लावण्याचा मोठा निर्णय घेतलाय. आणि तडकाफडकी हा निर्णय अंमलातही आणलाय.

ट्रम्पच्या निर्णयला चीननं सडेतोड उत्तर देण्याची रणनीती आखलीय. चीननंही हॉलिवूड सिनेमांवर बंदी घालण्याच्या हालचाली सुरू केल्याचं कळतंय. जर चीननं हॉलिवूड सिनेमांवर बंदी घातली तर अमेरिकेला कसा फटका बसणार ते पाहूयात.

अमेरिकेचा वार, चीनचा पलटवार

ट्रम्पचा चीनवर 104% आयात कर, चीनचं सडेतोड उत्तर

चीन हॉलिवूड सिनेमांवर बंदी घालण्याची शक्यता

चीनची बॉक्स ऑफिस कमाई 17.71 अब्ज डॉलर्स, हॉलिवूडचा वाटा 3.5 टक्के

2024मध्ये अमेरिकन चित्रपटांची चीनमध्ये 585 दशलक्ष डॉलर्सची कमाई

चीननं बंदी घातल्यास हॉलिवूडच्या चित्रपटांचं अब्जावधी डॉलर्सचं नुकसान?

याआधीचं अमेरिकेच्या या नव्या कर धोरणांनं जगभरातील शेअर बाजारांमध्ये भूकंप आणला. आणि आता चीनी उत्पादनांवर थेट 104 टक्के कर लावून ट्रम्प यांनी जागतिक अर्थव्यवस्थेत अस्थिरता आणली इतकं मात्र खरं. त्यामुळे अमेरिका आणि चीनमधलं हे व्यापारी युद्ध कोणत्या वळणावर जाईल, आणि यात भारताची काय भूमिका असेल याकडे आता संपूर्ण जगाचं लक्ष लागून राहिलंय.