Monkey Attack Video

माकडांचा उच्छाद जीव नकोसा करून टाकणारा ठरतो. कधी चालत्या गाडीवर उडी मारणे, तर कधी मौल्यवान सामानांची चोरी करण्यात माकडं पटाईत असतात. कधी कधी तर माकडं लहान मुलांना एकटं गाठतात, त्यांना उचलून नेतात. असाच काहीसा प्रकार एका ३ वर्षांच्या मुलीसोबत घडला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आई-वडील कामात व्यस्थ असताना अचानक माकड आलं आणि ३ वर्षांच्या मुलीला डोंगरावर घेऊन गेलं. मुलगी कुठेही दिसत नसल्याने आई-वडील घाबरले. त्यांनी मुलीची शोधाशोध सुरू केली. मात्र, मुलगी कुठेही आढळून न आल्याने आई-वडिलांनी तातडीने पोलिसांत धाव घेतली. (Latest Marathi News)

आपल्या मुलीचं अपहरण झालं असावं, असा संशय मुलीच्या आई-वडिलांना होता. दरम्यान, पोलिसांनी या घटनेची गंभीर दखल घेतली. ज्या परिसरातून मुलगी बेपत्ता झाली होती. त्या परिसरात पोलिसांनी शोधाशोध सुरू केली. तब्बल दोन तासांनंतर एका माकडाजवळ मुलगी असल्याचं पोलिसांना दिसून आलं.

पोलिसांनी या माकडाचा पाठलाग केला. मात्र, त्याने डोंगरावरुन मुलीला खाली फेकून दिलं. त्यानंतर चिमुकली एका झुडपात पडली. सुदैवाने या घटनेत मुलीला कुठलीही दुखापत झाली नाही. चीनच्या दक्षिण-पश्चिम गुइझोउ प्रांतात घडला आहे. मुलीचे वडील लियू यांनी घटनेबाबत सांगितलं, की त्यांनी आणि त्यांच्या पत्नीने त्यांच्या मुलीला झाडाच्या सावलीत बसवलं होतं.

त्याचं लक्ष काही सेकंदांसाठी दुसरीकडे गेलं आणि तोपर्यंत मुलगी तिथून बेपत्ता झाली. लियू म्हणाले, मुलगी बेपत्ता झाल्यानंतर मुलीची आई रडू लागली. मी तिला शांत करण्याचा प्रयत्न केला. आम्ही दोघांनीही मुलीची शोधाशोध घेतली. आमच्या मुलीचं अपहरण झालं असावं, असा संशय आम्हाला होता. त्यानंतर आम्ही पोलिसांत धाव घेतल्याचं लियू यांनी सांगितलं.