वृत्तसंस्था: देशात कोरोनाचा संसर्गात मोठी घट झाली आहे. देशात गेल्या २४ तासामध्ये ९१३ नवे कोरोनाबाधित (Corona) रुग्ण आढळले आहेत. यामध्ये १३ जणांचा मृत्यू झाला आहे. काल १०९६ नवीन रुग्ण आणि ८१ जणांचा मृत्यू झाला. सक्रिय रुग्णांची संख्या १२,५९७ वर पोहोचली आहे. केंद्रीय आरोग्य मंत्रालयाने जारी केलेल्या आकडेवारीनुसार, रविवारी दिवसभरामध्ये देशामध्ये १ हजार ३१६ रुग्ण कोरोनामुक्त झाले आहेत. यानंतर देशात सक्रिय रुग्णांची संख्या १२ हजार ५९७ झाली आहे. कोरोनामुळे जीव गमावणाऱ्यांची संख्या ५ लाख हजार ८२१ झाली आहे.

हे देखील पहा-

केंद्रीय आरोग्य मंत्रालयाने (Health Ministry) जारी केलेल्या आकडेवारीनुसार, गुरुवारी दिवसभरामध्ये देशात १ हजार ९१८ लोक बरे झाले होते. देशात सक्रिय रुग्णांची संख्या १३ हजार ६७२ झाली आहे. कोरोनामुळे जीव गमावणाऱ्यांची संख्या ५ लाख २१ हजार १८१ झाली आहे. देशामध्ये आतापर्यंत ४ कोटी २४ लाख ९० हजार ९२२ लोक संसर्गमुक्त झाले आहेत.

देशामध्ये आतापर्यंत ४ कोटी ३० लाख २५ हजार ७७५ जणांना कोरोनाची लागण झाली आहे. आतापर्यंत १८४ कोटींपेक्षा जास्त डोस देण्यात आले आहेत. देशव्यापी लसीकरण मोहिमेअंतर्गत आतापर्यंत कोरोना प्रतिबंधात्मक लसींचे १८४ कोटींपेक्षा जास्त डोस देण्यात आले आहेत. गुरुवारी दिवसभरामध्ये २३ लाख ५७ हजार ९१७ डोस देण्यात आले आहेत.

देशामध्ये आतापर्यंत १८४ कोटी ३१ लाख ८९ हजार ३७७ डोस लसीचे देण्यात आले आहेत. केंद्रीय आरोग्य मंत्रालयाने दिलेल्या माहितीनुसार, आरोग्य कर्मचारी, कोरोना योद्धा आणि इतर आजारांनी ग्रस्त असलेल्या ६० वर्षांपेक्षा जास्त वयाच्या लोकांना २ कोटींपेक्षा जास्त कोरोना लसी देण्यात आले आहेत.

Edited By- Digambar Jadhav