Ulhasnagar : उल्हासनगर (Ulhasnagar) येथे किरकाेळ कारणावरुन एकमेकाचा धक्का लागल्यावरून वाद झाला आणि या वादात एकाचा खून झाल्याची घटना बुधवारी रात्री घडली.या प्रकरणाचा मध्यवर्ती पोलिस (police) तपास करीत आहेत. (Ulhasnagar Latest Marathi News)

मध्यवर्ती पोलीस स्टेशनच्या हद्दीत इमली पाडा येथून दोन मद्यधुंद नागरिक जात असताना त्यांचा एकमेकाला धक्का लागला. यावरून सुरू झालेल्या वादात अजय उर्फ अज्जू विजय चव्हाण याने निरंजन यास एक दांडका पोटात मारला. (Maharashtra News)

हा दांडका निरंजन याला लागताच तो खाली कोसळला. अजय चव्हाण याने तिथून पळ काढला. बेशुद्ध अवस्थेत असलेल्या निरंजन याला मध्यवर्ती रुग्णालयात उपचारार्थ नेले असता तेथे डॉक्टरांनी निरंजन यास मृत घोषित केले. याप्रकरणी लागलीच मध्यवर्ती पोलिसांनी अजय चव्हाण याला उल्हासनगर स्टेशन परिसरातून ताब्यात घेतले. याप्रकरणी मध्यवर्ती पोलीस ठाण्यातील कर्मचारी तपास करीत आहेत.

Edited By : Siddharth Latkar