अक्षय बडवे, साम टीव्ही

पुणे : राज्यात अत्याचाराच्या घटनेत वाढ होत असल्याने सर्वसामान्यांकडून संताप व्यक्त केला जात आहे. राज्यासहित पुण्यातही महिला सुरक्षेचा प्रश्न ऐरणीवर आला आहे. शाळेपासून कार्यालयापर्यंत महिला लैंगिक शोषणाच्या बळी ठरत असल्याचे समोर येत आहे. पुण्यातील अशाच एका महिलेला रस्त्यावर एका विचित्र अनुभवाला सामोरे जावं लागलं. त्यानंतर या महिलेने सोशल मीडियावर अनुभव कथन केला.

पुण्यातील आरटीओ रोडजवळ एका महिलेसोबत विचित्र प्रकार घडला. रस्त्यावरच घाणेरड्या प्रकारानंतर महिलेने संपूर्ण प्रकार सांगितला. २ दिवसांपूर्वी घडलेला अनुभव महिलेने सोशल मीडियावरून व्हिडिओ पोस्ट करून सांगितला आहे.

महिलेसोबत नेमकं काय घडलं?

'एक गाडी माझ्या गाडीच्या बाजूला येऊन थांबली. त्यानंतर या गाडीमधील व्यक्ती माझ्याकडे सतत बघत होता. मोबाईलमधून मी त्याचं कृत्य रेकॉर्ड करत असतानाही त्या माणसाची नजर खाली जात नव्हती, असा अनुभव पुण्यातील एका महिलेने सोशल मीडियाच्या माध्यमातून समोर आणला आहे. २ दिवसांपूर्वीची घटना पुण्यातील आरटीओ रोड जवळ घडल्याचं या महिलेने व्हिडिओमध्ये सांगितलं आहे.

स्टॉक करणारा म्हणजेच एक टक पाहत असलेला त्या व्यक्तीच्या गाडीवर पुणे महानगरपालिका लिहिले होतं, असं या महिलेने सांगितलं आहे. एम एच १२ आर आर ०७११ असा या गाडीचा क्रमांक असून या गाडीवर पुणे महानगरपालिकेचे स्टिकर स्पष्टपणे या व्हिडिओमधून दिसून आलं आहे. आता पुण्यातील या महिलेच्या तक्रारीवरून प्रशासन काय कारवाई करतं हे पाहणं महत्त्वाचं आहे.

पुण्यात छेड काढण्यावरून वाद; एकाला कोयत्याने वार करून संपवलं

तरुणीची छेड काढणाऱ्या तरुणाशी झालेल्या वादातून एका ४० वर्षीय व्यक्तीवर कोयत्यानं हल्ला करून त्याची हत्या करण्यात आल्याची घटना पुण्यात घडली आहे. पुण्यातील खेड तालुक्यातील कडूसमध्ये हा धक्कादायक प्रकार घडला आहे.