INDIA Alliance News Update: वर्ष 2024 मध्ये होणाऱ्या लोकसभा निवडणुकीसाठी विरोधी पक्ष नेत्यांनी भाजप विरुद्ध एकत्र येण्याच्या निर्णय घेतला आहे. यातच आता 26 विरोधी पक्षांनी एकत्र येत "इंडियन नेशनल डेमोक्रेटिक इंक्लूसिव एलायंस"ची (indian National Democratic Inclusive Alliance) स्थापना केली आहे.

बंगळुरूमध्ये झालेल्या बैठकीत विरोधी पक्ष नेत्यांनी या नावाची घोषणा केली आहे. मराठीमध्ये याचा अर्थ भारतीय राष्ट्रीय लोकशाहीवादी सर्वसमावेशक आघाडी, असा आहे.

यातच आता इंडियाच्या पुढील बैठकी संदर्भात मोठी माहिती समोर आली आहे. बंगळुरूमध्ये झालेल्या बैठकीत उद्धव ठाकरे यांनी विरोधी पक्षांची बैठक मुंबईत होणार असं सांगितलं होत. आता सूत्रांनी दिलेल्या माहितीनुसार, इंडीआयची तिसरी बैठक ही मुंबईत ऑगस्ट महिन्याच्या शेवटच्या आठवड्यात होऊ शकते. (Latest Marathi News)

मुंबईत कुठे होऊ शकते बैठक?

इंडिया आघाडीची तिसरी बैठक मुंबईत 25 ऑगस्ट नंतरहोऊ शकते. ही बैठक ग्रँड हयात या हॉटेलमध्ये होऊ शकते, अशी माहिती सूत्रांनी दिली आहे. ही बैठक मुंबईत होत असल्यामुळं शिवसेनेच्या (ठाकरे गट) नेत्यांकडे नियोजनाची जबाबदारी असू शकते. सोबतच काँग्रेस आणि राष्ट्रवादीचे नेतेही नियोजनात सहभागी होऊ शकतात.

दरम्यान, विरोधी पक्षांची बिहारच्या (Bihar) पटनामध्ये पहिली बैठक झाली होती. यानंतर बंगळुरूमध्ये (Bengluru) विदुसरी बैठक पार पडली. या बैठकीला महाराष्ट्रातून राष्ट्रवादीचे सर्वेसर्वा शरद पवार (Sharad Pawar), ठाकरे गटाचे पक्षप्रमुख उद्धव ठाकरे (Uddhav Thackeray) हे उपस्थित होते.