रुपेश पाटील, पालघर

Virar News: पश्चिम रेल्वेची वाहतूक (Western Railway) विस्कळीत झाली आहे. वैतरणा आणि सफाळे रेल्वे स्थानकादरम्यान पश्चिम रेल्वेची वाहतूक विस्कळीत झाली आहे. मालगाडीच्या इंजिनमध्ये बिघाड (train engine failure ) झाल्यामुळे वाहतूक विस्कळीत झाली आहे. त्यामुळे डहाणूच्या दिशेने जाणाऱ्या लोकल खोळंबल्या आहेत. रेल्वे प्रशासनाकडून इंजीन दुरुस्तीचे काम युद्धपातळीवर सुरु आहे. याचा परिणाम परिणाम लोकलसेवेवर देखील झाला आहे.

मिळालेल्या माहितीनुसार, पश्चिम रेल्वेची वाहतूक सकाळच्या सुमारास विस्कळीत झाली आहे. वैतरणा आणि सफाळे रेल्वे स्थानकादरम्यान पश्चिम रेल्वेचा खोळंबा झाला आहे. विरारवरुन डहाणूच्या दिशेने जाणाऱ्या मालगाडीच्या इंजिनमध्ये बिघाड झाल्याने वाहतूक विस्कळीत झाली आहे. याचा परिणाम लोकलसेवेवर देखील झाला आहे. विरारवरुन डहाणूच्या दिशेने जाणाऱ्या सर्व लोकल एकामागे एक थांबल्या आहेत. 10 ते 15 मिनिटांत रेल्वेसेवा पूर्ववत होईल अशी माहिती रेल्वे प्रशासनाकडून देण्यात आली आहे.

मालगाडीच्या इंजिनमध्ये बिघाड झाल्यामुळे पश्चिम रेल्वे मार्गावरील लोकलसेवेवर देखील झाला आहे. विरावरुन डहाणूच्या दिशेने जाणाऱ्या प्रवाशांचे हाल होत आहे. तसंच मुंबईच्या दिशेने याणाऱ्या प्रवाशांचे देखील हाल होत आहे. ऐन गर्दीच्या वेळी रेल्वे सेवेचा खोळंबा झाल्यामुळे प्रवासी त्रस्त झाले आहेत. अनेक रेल्वे स्थानकावर प्रवाशांची प्रचंड गर्दी झाल्याचे चित्र पाहायला मिळत आहेत. कामावर पोहचण्यासाठी उशिर होणार असल्यामुळे आज अनेकांना लेटमार्क लागण्याची शक्यता आहे.