रुपाली बडवे

Mumbai News : पश्चिम रेल्वेच्या दहिसर आणि बोरिवली स्थानकांदरम्यान पॉवरओव्हर हेड वायर तुटल्याने वाहतूक सेवा विस्कळीत झाली आहे. चर्चगेट दिशेने येणाऱ्या फास्ट लाईनवर 10 वाजताच्या दरम्यान ही वायर तुटली आहे. तीन लोकल या मार्गावर अडकून पडल्या आहेत.

यानंतर विरारच्या दिशेने येणाऱ्या इतर लोकल स्लो लाईनवर वळवण्यात आल्या आहेत. सध्या पश्चिम रेल्वेवरील वाहतूक 15 ते 20 मिनिट उशाराने सुरु आहे. पीक अवरमध्ये झालेल्या या मोठ्या बिघाडामुळे कामावर निघालेल्या नागरिकांना मोठा मनस्थाप सहन करावा लागत आहे. (Latest Marathi News)

पश्चिम रेल्वेकडून मिळालेल्या माहितीनुसार, 10 वाजून 2 मिनिटांनी हा बिघाड झाला आहे. सकाळच्या वेळी नागरिकांची कामावर जाण्यासाठी लगबग सुरु असते. ऐन गर्दीच्या वेळी पॉवर हेड वायर तुटल्याने मात्र नागरिसांना मोठा मनस्ताप सहन करावा लागत आहे. (Mumbai News)

या तांत्रिक बिघाडानंतर फास्ट ट्रॅकवर तीन लोकल ट्रेन मागील दीड तासापासून अडकून पडल्या आहेत. त्यामुळे प्रवासी रेल्वे ट्रॅकवरुन पायी चालत पुढील स्टेशन गाठताना दिसले. रेल्वेकडून दुरुस्तीचं काम सुरु करण्यात आलं असून लवकरच सेवा पूर्ववत होईल, असं रेल्वेकडून सांगण्यात येत आहे.