- अक्षय बडवे

विदर्भ मराठवाडा भागात भीषण पाणीटंचाईचे चित्र असतानाच आता पुण्याला देखील टंचाईच्या झळा भासण्याची शक्यता निर्माण झाली आहे. प्राथमिक माहितीनूसार खडकवासला धरण साखळीत 7.54 टीएमसी म्हणजे फक्त 25.88 टक्के पाणीसाठा शिल्लक आहे. परिणामी पुढच्या काही दिवसांत पुणेकरांना पाणी कपातीचे संकटाला सामाेरे जावे लागण्याची शक्यता वर्तवली जात आहे.

पुणे शहर तसेच इंदापूर, दौंड, हवेली या तालुक्यांना पाण्यासाठी खडकवासला धरणाचा आधार आहे. यंदा उन्हाची तीव्रता वाढल्याने गेल्यावर्षी पेक्षा पाणीसाठा अल्प प्रमाणात शिल्लक राहिला आहे. यामुळे प्रशासनाची चिंता वाढली आहे.

सध्या खडकवासला धरण साखळीत 7.54 टीएमसी म्हणजे फक्त 25.88 टक्के पाणीसाठा शिल्लक आहे. गेल्या वर्षी आजच्या दिवशी धरणसाखळीत 10.34 टीएमसी म्हणजे 35.46 टक्के पाणीसाठा होता.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गतवर्षीच्या तुलनेत खडकवासला साखळीत कमी पाणी असल्याने आगामी काळात पाण्याच्या बचतीवर भर दिला जाणार आहे. नागरिकांनी काटकसरीने पाण्याचा वापर करावा असे आवाहन जलसंपदा विभागाचे उपविभागीय अभियंता मोहन भदाणे यांनी केले.

Edited By : Siddharth Latkar