Viral Video: गेल्या दोन दिवसापासून सर्वत्र कुर्ला पश्चिममध्ये झालेल्या अपघाताची मोठी चर्चा सुरु आहे. ज्यात घटनेत बेस्ट बसला भीषण अपघात होऊन भरधाव बेस्ट थेट मार्केटमध्ये घुसली होती. ही घटना ताजी असताना अंधेरी पश्चिममध्ये ऑन ड्युटी बेस्ट बस चालकाचा दारू दुकानातून दारू घेऊन बसमध्ये जात असल्याचा व्हिडिओ व्हायरल होत आहे. हा व्हिडिओ व्हायरल झाल्यानंतर झाल्यानंतर बेस्ट चालकांवर अनेक प्रश्न उपस्थित केले जात आहेत.

व्हायरल (Viral) होत असलेल्या व्हिडिओत तुम्ही पाहू शकता बेस्ट चालक बसमधून उतरतो आणि अंधेरी पश्चिम येथे असलेल्या एका दारूच्या दुकानात जातो. परत येताना त्याच्या हातात एक दारूची बॉटल दिसत असून तो तसच बसमध्ये बस चालवण्यासाठी बसतो. मात्र व्हिडिओत तुम्ही नीट पाहिले तर त्या बस संपूर्ण प्रवाशांनी भरलेली आहे. बस(Bus) चालकाना फक्त आणि फक्त बस वाईन शॉपजवळ दारू खरेदी करण्यासाठी उभी केली होती असल्याचे व्हिडिओत दिसत आहे. सध्या हा व्हिडिओ व्हायरल झाल्यानंतर बेस्ट चालकांवर अनेक प्रश्न उपस्थित केले जात आहेत.

कुर्लामध्ये सोमवारी रात्री काय घडले?

सोमवारी रात्री कुर्ला पश्चिमेत रात्री भरधाव बसवरील चालकाचे नियंत्रण सुटून हा अपघात झाला. या घटनेमुळे संपूर्ण मुंबई हादरली होती. ऐन नागरिकांनी भरलेल्या गर्दीच्या वेळी हा अपघात झाल्याने जखमींचा आकडा वाढला होता. मात्र सध्या अंधेरीतील व्हायरल होत असलेल्या व्हिडिओमुळे प्रवाशांच्या सुरक्षतेचा प्रश्न उपस्थित राहिला असून पोलिस याबाबत काय कारवाई करतील हा प्रश्न व्हिडिओ पाहणाऱ्या प्रत्येकाला पडला आहे.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.