Vasai News : वाहन चोरी व घरफोडी करणाऱ्या सराईत 4 चोरट्यांना अटक करण्यात वसई वालीव पोलिस ठाण्याच्या गुन्हे प्रकटीकरण शाखेला यश आले आहे. यानंतर पाेलिसांनी 9 गुन्हयांची उकल केली आहे. (Maharashtra News)

वसई वालीव पोलीस ठाण्यात दुचाकी चोरीची तक्रार दाखल करण्यात आली होती. त्याचा तपास करत असताना पोलिसांना गुप्त महितीदाराने दिलेल्या माहितीनुसार पोलिसांनी सापळा रचून चार सराईत चोरट्यांना अटक केली. या संशयितांवर घरफोडी, दुचाकी चोरीचे अनेक गुन्हे दाखल आहेत अशी माहिती पाेलिसांनी दिली.

या चाेरट्यांकडून 9 गुन्हयांची उकल करण्यात वसई वालीव पोलीस ठाणे गुन्हे प्रकटीकरण शाखेला यश आले आहे. पोलिसांनी संशयितांकडून चोरीचे लॅपटॉप, दुचाकी ,सोन्याचे दागिने असा एकूण चार लाख पन्नास हजार रुपये किमतीचा मुद्देमाल हस्तगत केला आहे.

Edited By : Siddharth Latkar