वैष्णवी हगवणेला मारहाण करणाऱ्या, छळ करणाऱ्या हगवणे परिवाराच्या बचावासाठी कोर्टात त्यांच्या वकिलांनी वैष्णवीच्या चारित्र्यावर संशय घेतला. वैष्णवी नको त्या व्यक्तीसोबत चॅट करायची ते चॅट पकडले, असा दावा हगवणेंच्या वकिलांनी केला. त्याला उत्तर देण्यासाठी मृत वैष्णवीच्या वडिलांनी पत्रकार परिषद घेतली.

यावेळी त्यांनी हगवणे कुटुंबियांवर गंभीर आरोप केलेत. जर आपण मोबाईल जप्त केला तर जावयाला आपण दीड लाखांचा मोबाईल का दिला, असा सवाल अनिल कस्पटे यांनी केला. हगवणे यांच्या वकिलांच्या दावा खोडून काढण्यासाठी अनिल कस्पटे यांनी पत्रकार परिषदेत मोबाईल आणि गाडीचं बिल दाखवले.

शशांकने आमच्याकडून दीड लाखांचे मोबाईल घेतले, त्याची ही पावती. आज ही मी हफ्ते भरतोय. असं अनिल कस्पटे यांनी पत्रकारांना सांगितले. हगवणे यांनी लग्न ठरवताना आमच्यावर दबाव टाकला. सोन्याची मागणी केली. आमच्या लेकीचं लग्न आधी दोनदा मोडलं होतं. त्यामुळे आम्ही हुंडा देण्यास तयार झालो, असेही अनिल कस्पटे म्हणाले.दाखवल्या.

'लग्नानंतर शशांकने माझ्याकडे लाख रुपयाचा मोबाईल मागितला. १८ डिसेंबर २०२४ रोजी क्रोमाच्या शोरुममधून शशांकसाठी फोन घेतला. त्याची पावती आमच्याकडे आहे. त्या फोनचे हफ्ते मी आजही फेडत आहे,' असा दावा कस्पटे यांनी केला. लग्नानंतर अधिक महिन्यात जावयाला भेटवस्तू द्यायची प्रथा आहे.

प्रत्येक जण आपल्या ऐपतीप्रमाणे भेटवस्तू देतो. यांनी आमच्याकडून चांदीची ताटं मागून घेतली, असंही कस्पटे म्हणाले. अनिल कस्पटे यांनी पत्रकार परिषदेत मोबाईल पावत्या देखील हगवणे यांच्या वकिलांना वैष्णवीच्या चारित्र्यावर संशय घेतल्यावरून बोलताना अनिल कस्पटे म्हणाले, असे एखाद्या मुलीच्या चारित्र्यावर बोलणं चुकीचे आहे. मोबाईल चॅटिंगबाबत आम्हाला कल्पना दिली नव्हती, कुठलाही माहिती दिली नव्हती.

माझ्या मुलीवर चारित्र्याचा संशय घेतलाय. माझ्या मुलीचा मोबाईल काढून घेतला जर मोबाईल काढून घ्यायचा असेल तर मी तिला मोबाईल कशाला दिला. जावई याला १ लाख ५२ हजाराचा मोबाईल दिला होता असं कस्पटे म्हणाले.